సూర్య కెరీర్లో మర్చిపోలేని సినిమా.. ఆకాశమే నీ హద్దురా. సుధాకొంగర దర్శకత్వం వహించిన ఈ చిత్రానికి జాతీయ అవార్డులు కూడా లభించాయి. ఇప్పుడు ఈ కాంబోలో మరో సినిమా రూపుదిద్దుకొంటోంది. సూర్య ప్రస్తుతం `కంగువ` చిత్రంతో బిజీగా ఉన్నారు. శివ దర్శకత్వంలో తెరకెక్కుతున్న ఈ చిత్రంలో దిశా పటానీ, మృణాల్ కథానాయికలు. ఈ సినిమా పూర్తయిన వెంటనే, సుధాకొంగర చిత్రానికి క్లాప్ కొడతారు.
ఇప్పటికే ఈ సినిమాకి సంబంధించిన స్క్రిప్టు సిద్ధమైపోయింది. ఆకాశమే నీ హద్దురా టైపులోనే ఇది కూడా ఓ బయోపిక్ అని ప్రచారం జరిగింది. రతన్ టాటా కథని తెరపైకి తీసుకొస్తున్నారన్న గుసగుసలు వినిపిస్తున్నాయి. అయితే ఇది బయోపిక్ కాదని, కొన్ని వాస్తవ సంఘటనల ఆధారంగా రూపొందిస్తున్న రియల్ స్టోరీ అని సుధాకొంగర క్లారిటీ ఇచ్చారు. ఈసారి క్రైమ్ ఎలిమెంట్స్, యాక్షన్ కూడా ఈ కథలో కనిపించనున్నాయట. జీవీ ప్రకాష్ కుమార్ ఈ చిత్రానికి సంగీతం అందిస్తున్నారు. పూర్తి వివరాలు త్వరలో తెలుస్తాయి.
