తెలుగు సినిమాకి సంక్రాంతి, దసరా పెద్ద పండగలు. పెద్ద హీరో ఎవరైనా తమ సినిమాలు ఈ రెండు పండగలకు రిలీజ్ అయ్యేలా ప్లాన్ చేసుకుంటూ వుంటారు. అయితే సంక్రాంతికే ఎక్కువ ప్రిఫరెన్స్ ఇస్తారు. ఆ విధంగా ఈ సంవత్సరం సంక్రాంతికి ఇద్దరు వెటరన్ హీరోలు, ఇద్దరు యంగ్ హీరోలు బరిలోకి దిగారు. ఈ నాలుగు సినిమాల్లో ప్రధానంగా డిక్టేటర్, నాన్నకు ప్రేమతో చిత్రాల మధ్య గట్టి పోటీ వుంటుందని అంతా భావించారు. అలాగే నాగార్జున సినిమా సోగ్గాడే చిన్ని నాయనా చిత్రం వీటితో సంబంధం లేకుండా సంక్రాంతి పండగ సినిమా అవుతుందని కొందరు భావించారు. ఈ మూడు సినిమాల మధ్య శర్వానంద్ ఎక్స్ప్రెస్ రాజా కూడా వచ్చి చేరింది.
సినిమాల ఫలితాల విషయానికి వస్తే మొదట రిలీజ్ అయిన నాన్నకు ప్రేమతో కొన్ని వర్గాలను ఆకట్టుకొని, మరికొంత మందిని నిరాశ పరిచి, ఇంకొంత మందికి అర్థం కాకుండా చేసింది. మరుసటి రోజు రిలీజ్ అయిన డిక్టేటర్ చిత్రం బాలకృష్ణ నటించిన గత చిత్రాల కోవలోనే వుందని, అయితే ఈ సినిమాలో బాలకృష్ణ డైలాగ్స్గానీ, ఫైట్స్గానీ, డాన్సులుగానీ కొత్తగా వున్నాయని, సినిమాలో కొన్ని మైనస్లు వున్నా బి, సి సెంటర్స్లో విపరీతంగా ఆడేస్తుందని ట్రేడ్ వర్గాలు భావించాయి. అదే రోజు విడుదలైన శర్వానంద్ సినిమా ఎక్స్ప్రెస్ రాజా కొంత కామెడీ, కొన్ని బోరింగ్ సీన్స్తో సినిమా ఫర్వాలేదు అనిపించింది. సంక్రాంతి రోజు వచ్చిన సోగ్గాడే చిన్ని నాయనా పూర్తి విలేజ్ బ్యాక్డ్రాప్లో రూపొందడంతో ఈ సంక్రాంతికి యునానిమస్గా విజయం సాధిస్తుందన్న వార్తలు వచ్చాయి. ఈ చిత్రంలో కథ, కథనాలు బలహీనంగా వున్నప్పటికీ ఆడియన్స్ మాత్రం తమ ఓటుని సోగ్గాడికే వేస్తున్నారు. సోమవారం మార్నింగ్ షో కలెక్షన్స్ని బట్టి సోగ్గాడే చిన్ని నాయనా ఫుల్స్ అవ్వగా, నాన్నకు ప్రేమతో, ఎక్స్ప్రెస్ రాజా 80 పర్సెంట్ కలెక్షన్లతో సెకండ్ ప్లేస్లో వున్నాయి. డిక్టేటర్ మాత్రం 50 పర్సెంట్ కలెక్షన్తో సరిపుచ్చుకోవాల్సి వచ్చింది. దీన్ని బట్టి ఈ సంక్రాంతి సినిమాగా ప్రేక్షకులు సోగ్గాడే చిన్ని నాయనాని యునానిమస్గా హిట్ చేసినట్టు తెలుస్తోంది. ఈ క్రింద నిన్నటి వసూళ్ళు చూస్తే ఏ సినిమా ఎంత హిట్ అన్నది మీకే అర్ధం అవుతుంది.
17-01-16 (SUNDAY) RTC X Roads Collections
Morning Show | Matinee | First Show | Second Show
Sudershan 35 – Nannaku Prematho – | 60734 | Full | Full | Full |
Devi 70 – Express Raja – | 37237 | Full | Full | Full |
Sandhya 70 – Dictator – | 20209 | 53356| Full | 39333|
Sandhya 35 – Soggade Chinni Nayana – | Full | Full | Full | Full |
Shanthi – Nenu Sailaja – | 17755 | 52322| Full | 34030|
