మ‌హేశ్‌బాబుని ఫాలో అవుతూ… మ‌హేశ్‌తో పాటు సూప‌ర్‌స్టార్‌ కృష్ణని ఇన్‌స్పిరేష‌న్‌గా తీసుకొని ఇండస్ట్రీలో హీరోగా వచ్చేశాడు అతని బావ సుధీర్‌బాబు. ప్రొడక్షన్‌లో రావడంలోనూ, ప్రొడక్షన్ హౌస్ పేరు పెట్టడంలోనూ మ‌హేశ్‌ని ఇన్‌స్పిరేష‌న్‌గా తీసుకున్నట్టున్నాడు. ‘మ‌హేశ్‌బాబు ఎంట‌ర్‌టైన్‌మెంట్ ప్రై.లి’ తన ప్రొడక్షన్ హౌస్‌కి మహేశ్ పేరు పెట్టాడు. షార్ట్‌క‌ట్‌లో ‘ఎమ్‌బి’ అని పెట్టాడు. సుధీర్‌బాబు తన ప్రొడక్షన్ హౌస్‌కి ‘ఎస్‌బి’ అని పేరు పెట్టాడు. అంటే సుధీర్‌బాబు ప్రొడక్షన్స్ అన్నమాట. శనివారం రాత్రి ఈ ప్రొడక్షన్ హౌస్ లోగోని ఆవిష్కరించారు. లోగోలు కూడా ఇంచుమించు ఒకలానే వున్నాయి. యాక్టింగ్ కెరీర్లో తనకు పరిచయమైన చాలామంది సరైన అవకాశాలు రాక కలలను చంపేసుకుని తిరిగి సొంతూళ్లు వెళ్లినవాళ్ళని, వేరే రంగంలోకి చూశానని, ఎప్పుడైనా తనకు అవకాశం వస్తే నిర్మాణ సంస్థ అటువంటి వాళ్లతో సినిమా చేయాలని అనుకున్నానని… అందుకే, నిర్మాణ సంస్థ ప్రారంభించానని సుధీర్‌బాబు తెలిపారు. ఈ కార్యక్రమానికి ఇండస్ట్రీలో హేమాహేమీలైన నిర్మాతలు అల్లు అరవింద్, ‘దిల్’ రాజు, యువి క్రియేషన్స్ ప్రమోద్, వంశీ తదితరులతో పాటు హీరోల్లో సుధీర్‌బాబు స్నేహితులు కొందరు వచ్చారు. కాని అతని అత్తింటివారు కృష్ణ ఫ్యామిలీ నుంచి ఒక్కరు కూడా రాకపోవడం గమనార్హం!!