మే 31… సూప‌ర్ స్టార్ కృష్ణ పుట్టిన రోజు. ఈ సంద‌ర్భంగా మ‌హేష్ బాబు – రాజ‌మౌళి కాంబోలో రాబోయే సినిమాకు సంబంధించిన అప్ డేట్ ఏమైనా వ‌స్తుందా? అని మ‌హేష్ ఫ్యాన్స్ ఆశ‌గా ఎదురు చూస్తున్నారు. మ‌హేష్ సినిమా మాటేమో గానీ, అదే రోజున సుధీర్ బాబు సినిమా వ‌స్తోంది.

సుధీర్ బాబు క‌థానాయ‌కుడిగా జ్ఞాన సాగ‌ర్ ద‌ర్శ‌క‌త్వంలో ఓ చిత్రం రూపుదిద్దుకొంది. అదే.. ‘హ‌రోం హ‌ర‌’. అ చిత్రాన్ని మే 31న విడుద‌ల చేయాల‌ని చిత్ర‌బృందం భావిస్తోంది. సుధీర్‌బాబు కూడా లేటెస్ట్ వీడియోలో ఓ హింట్ ఇచ్చాడు. త్వ‌ర‌లోనే ఓ అప్ డేట్ రాబోతోంద‌ని, దానికీ సూప‌ర్ స్టార్ కృష్ణ‌కూ ఓ లింక్ ఉంద‌ని చెబుతూ ఓ ఇంట్ర‌స్టింగ్ వీడియో పోస్ట్ చేశాడు. దాంతో కృష్ణ బ‌ర్త్ డేకి సుధీర్ సినిమా రాబోతోంద‌న్న విష‌యంలో ఓ క్లారిటీ వ‌చ్చేసిన‌ట్టైంది. సుధీర్ బాబు సంగ‌తి స‌రే, మ‌రి మ‌హేష్ సినిమా మాటేంటి? అనేది సూప‌ర్ స్టార్ అభిమానుల ప్ర‌శ్న‌. అదే రోజున రాజ‌మౌళి టీమ్ నుంచి ఏమైనా అప్ డేట్ వ‌స్తే, మ‌హేష్ అభిమానుల‌కు అంత‌కంటే కావ‌ల్సింది ఏముంది?