ప్రేమకథాచిత్రమ్ తరవాత ఆశించిన స్థాయిలో విజయాలు అందుకోలేకపోయాడు సుధీర్బాబు. అయితే.. తన వంతు ప్రతీ సినిమాకీ ఒకేలా కష్టపడుతున్నాడు. ఇప్పుడు బాలీవుడ్కీ వెళ్లాడు. అక్కడ బాఘీలో విలన్గా నటించాడు. తెలుగులో ప్రభాస్ నటించిన వర్షం చిత్రానికి ఇది రీమేక్. అంటే.. ఇక్కడ గోపీచంద్ పోషించిన పాత్రని, అక్కడ సుధీర్బాబు చేశాడన్నమాట. ఈ సినిమాకి యాక్షన్ ప్రియుల నుంచి మంచి స్పందన వస్తున్నప్పటికీ ట్రేడ్ పండితులు.. ఫ్లాప్ అనే ముద్ర వేశారు. రివ్యూలు కూడా ఏమంత బాగాలేవు.
అయితే… సుధీర్ బాబు నటనకు మంచి మార్కులు పడ్డాయి. తన కండబలం గట్టిగానే చూపించాడు. ఈ సినిమా కోసం సుధీర్ మార్షల్ ఆర్ట్స్లో భయంకరమైన శిక్షణ తీసుకొన్నాడు. తన కండబలం మొత్తం చూపించాడు. దాంతో బాలీవుడ్ ప్రేక్షకులు సుధీర్ కండలకు ఫ్యాన్సయిపోయారు. ఈ సినిమా ఫ్లాప్ అయినా.. సుధీర్కి అక్కడ్నుంచి మంచి ఆఫర్లు రావడం ఖాయంగా కనిపిస్తోంది. తెలుగులో హీరోగా చేస్తూ.. అప్పుడప్పుడూ బాలీవుడ్లో ఇలా మెరుస్తుంటే, మనోడి రేంజే మారిపోతుంది కదూ.
