‘అవతార్’కు కొనసాగింపుగా జేమ్స్ కామెరూన్ ‘అవతార్: ది వే ఆఫ్ వాటర్’ తీర్చిదిద్దారు. గత నెలలో ప్రేక్షకుల ముందుకు వచ్చిన ఈ మూవీ బాక్సాఫీస్ వద్ద మంచి విజయాన్ని అందుకుంది. ఈ క్రమంలో ‘అవతార్3’ ఎలా ఉంటుంది? ఏ నేపథ్యంలో సాగుతుందన్న ఆసక్తి ప్రేక్షకుల్లో నెలకొంది. ఇందుకు సంబంధించిన ఆసక్తికర విషయాన్ని దర్శకుడు జేమ్స్ కామెరూన్ వెల్లడించారు. ‘అవతార్: 2.. ది వే ఆఫ్ వాటర్’ అయితే ‘అవతార్ 3 ది వే ఆఫ్ ఫైర్’ అన్నారు.
‘‘ఫైర్ ఒక సింబల్.. మనకి ఎంతో ప్రయోజనం చేకూరుస్తుంది. మూడో భాగంలో ఇదే ప్రధాన ఇతివృత్తంగా ఉంటుంది. దీంతో పాటు మరో రెండు సంస్కృతులు కూడా మీకు పరిచయం అవుతాయి. ఒమక్టయా, మెట్కైనా తెగలను మీరు కలుస్తారు. పాండోరాలోనే ఇదొక విభిన్నమైన ప్రదేశం’’అని చెప్పుకొచ్చారు. ఇదే విషయమై కామెరూన్ భార్య ఆసక్తికర కామెంట్ చేశారు. ‘మీ సీట్బెల్ట్ మరింత భద్రంగా ఉంచుకోవాల్సిన అవసరం’ అని ఆమె చేసిన కామెంట్ మరింత ఆసక్తిని పెంచింది.
