తెలుగు చిత్రసీమలో హిట్ కాంబినేషన్కి ఉండే క్రేజే వేరు. హీరో, డైరెక్టర్ల జోడీ ఓ సారి హిట్ అందుకొందంటే, ఆ కాంబినేషన్ని మళ్లీ మళ్లీ రిపీట్ చేయాలనుకొంటారు. లక్ష్యంతో హిట్ కాంబో అనిపించుకొన్న గోపీచంద్, శ్రీవాస్లు… లౌక్యంతో మరో హిట్ కొట్టారు. ఇప్పుడు ఈ కాంబినేషన్లో హ్యాట్రిక్ మూవీ రాబోతోంది. గోపీచంద్ కథానాయకుడిగా శ్రీవాస్ దర్శకత్వంలో మూడో సినిమా రావడానికి సర్వం సిద్ధమైంది. ఇప్పటికే కథ ఓకే అయిపోయింది. వచ్చే నెలలో సెట్స్పైకి వెళ్తారు. ఈ చిత్రానికి శ్రీవాస్ నిర్మాతగానూ వ్యవహరించే అవకాశాలున్నాయి.
కథానాయికగా రకుల్ప్రీత్ సింగ్ పేరుని పరిశీలిస్తున్నారట. లౌక్యంలోనూ.. రకులే కథానాయిక. హీరో, హీరోయిన్, దర్శకుడు ఇలా.. టీమ్ అంతా మరోసారి కలుస్తున్నారు కాబట్టి ఈ చిత్రానికి లౌక్యం 2 అని పేరు పెట్టవొచ్చేమో?? సౌఖ్యం సినిమాతో డిజాస్టర్ చవిచూసిన గోపీచంద్ ఈసారి కథ విషయంలో ఇంకాస్త జాగ్రత్తగా ఉన్నాడట. వినోదం, యాక్షన్ జోడించిన శ్రీవాస్ మార్క్ కథ కావడం, ఆల్రెడీ శ్రీవాస్తో రెండు విజయాలు కొట్టడంతో గోపీచంద్ ఈ కాంబినేషన్పై బోల్డంత నమ్మకం పెట్టుకొన్నాడు. మరి ఈ హ్యాట్రిక్ సినిమా ఎలా ఉండబోతోందో?
