‘ఆర్‌.ఆర్‌.ఆర్‌’ నుంచి ఎన్టీఆర్ పుట్టిన రోజున టీజర్ వ‌స్తుంద‌ని ఆశ ప‌డ్డారు ఎన్టీఆర్ ఫ్యాన్స్‌. కానీ… టీజ‌ర్ విడుద‌ల చేయ‌డం కుద‌ర‌డం లేద‌ని చిత్ర‌బృందం చెప్పేసింది. దాంతో.. ఎన్టీఆర్ అభిమానులు కాస్త నిరాశ చెందారు. అయినా ఫ‌ర్వాలేదు. ఎన్టీఆర్ బ‌ర్త్ డే గిఫ్ట్ ఉంది. కాక‌పోతే.. ‘ఆర్‌.ఆర్‌.ఆర్‌’ టీమ్ నుంచి కాదు. ‘ఫ‌ల‌క్‌నామా దాస్‌’ నుంచి.

ఫ‌ల‌క్‌నామా దాస్, హిట్ చిత్రాల‌తో ఆక‌ట్టుకున్న యువ క‌థానాయ‌కుడు విశ్వ‌క్‌సేన్ ఎన్టీఆర్ కోసం ఓ రాప్ సాంగ్ విడుద‌ల చేస్తున్నాడు. ‘మాస్ కా దాస్‌, మాస్ కా బాప్‌’ పేరుతో సాగే ఈ గీతాన్ని ఎన్టీఆర్ పుట్టిన‌రోజు సంద‌ర్భంగా బుధ‌వారం ఉద‌యం 11 గంట‌ల‌కు విడుద‌ల చేస్తున్నాడు. స్వ‌త‌హాగా విశ్వ‌క్ సేన్ ఎన్టీఆర్ ఫ్యాన్‌. ఎన్టీఆర్‌పై త‌న ఇష్టాన్ని ఈ పాట రూపంలో చూపించుకోబోతున్నాడు. సో.. ‘ఆర్‌.ఆర్‌.ఆర్‌’ టీజ‌ర్ లేని లోటు.. ఈ పాట‌తో కొంత వ‌ర‌కూ తీరొచ్చు.