హైదరాబాద్: తోటి హీరోయిన్‌లు ప్రియాంక చోప్రా, శ్రద్ధా కపూర్, అలియా భట్ తరహాలో బాలీవుడ్ బ్యూటీ సోనాక్షి సిన్హా కూడా సింగిల్ మ్యూజిక్ వీడియో ఆల్బమ్ రిలీజ్ చేసింది. ‘ఆజ్ మూడ్ ఇష్క్‌హాలిక్ హై’ అనే ఈ పాటను కుమార్ రచించగా, మీట్ బ్రదర్స్ సంగీతం సమకూర్చారు. డాన్స్ ఇండియా డాన్స్ ఫేమ్ సల్మాన్ యూసఫ్ ఖాన్ కొరియోగ్రఫీ చేశారు. పాటలో సోనాక్షి లంబొర్గిని లగ్జరీ కార్‌ నడుపుతూ ప్రియుడితో కలిసి గోవా బీచ్‌లలో విహరిస్తూ ఉంటుంది. డెనిమ్ షార్ట్స్, వైట్ కలర్ టాప్, ఓవర్ సైజ్ ష్రగ్, తలకు హిప్పీలలాగా పూసల దండ, కళ్ళకు ఏవియేటర్ గ్లాసెస్‌తో బొహిమియన్ లుక్‌లో సోనాక్షి కనిపించింది. ఇప్పటివరకు సంప్రదాయంగా, క్యాజువల్‌గా మాత్రమే డ్రెస్సింగ్ చేసుకునే సోనాక్షి ఇప్పుడు ఇలా హాట్‌గా కనిపించటం ఒక విశేషం. నిన్నటి తరం హీరో షాట్ గన్ శతృఘ్న సిన్హా కూతురైన సోనాక్షి ఎక్స్‌పోజింగ్ పెద్దగా చేయ్యదన్న విషయం తెలిసిందే.

ఈ పాట మొదట్లో కొద్దిసేపు, సోనాక్షి గతంలో యోయో హనీసింగ్‌తో కలిసి చేసిన ‘దేశీ కళాకార్‌’ పాటలాగే అనిపించినా, తర్వాత పోను పోనూ ఆకట్టుకుంది. టీ సిరీస్ ఈ వీడియోను రూపొందించింది. పాట మొత్తం గోవాలో చిత్రీకరించారు. సోనాక్షి ప్రస్తుతం ‘అకీరా’ అనే హీరోయిన్ ఓరియెంటెడ్ చిత్రంలో నటిస్తోంది. మురగదాస్ దీనికి దర్శకుడు. ఆ పాటను కింద చూడండి.