మ‌న స్టార్ హీరోలు పాతిక కోట్ల రేంజ్‌కి చేరుకోవ‌డానికి చాలా కాలం ప‌ట్టింది. ఇప్ప‌టికీ కొంత‌మంది రూ.15 నుంచి రూ.20 కోట్ల‌లోపే పారితోషికం తీసుకుంటున్నారు. అలాంటి చోట‌.. ఓ త‌మిళ హీరోకి ఏకంగా రూ.30 కోట్ల పారితోషికం ఇస్తున్నారు.

శివ‌కార్తికేయ‌న్ క‌థానాయ‌కుడిగా తెలుగులో ఓ చిత్రం రూపుదిద్దుకుంటోంది. జాతిర‌త్నాలు ఫేమ్ అనుదీప్ ద‌ర్శ‌క‌త్వం వ‌హిస్తున్నాడు. సురేష్ బాబు, నారాయ‌ణ్ దాస్ నారంగ్‌, శాంతి టాకీస్ ఈ చిత్రాన్ని నిరిస్తున్నారు. ఇటీవ‌ల ఈ సినిమా లాంఛ‌నంగా మొద‌లైంది. ఈ సినిమాకి గానూ.. శివ కార్తికేయ‌న్ కి ఏకంగా రూ.30 కోట్ల పారితోషికం ఇస్తున్నార్ట‌. తెలుగులో త‌ను న‌టిస్తున్న తొలి సినిమా ఇది. కాక‌పోతే.. త‌మిళంలో శి కార్తికేయ‌న్ ఓ స్టార్ హీరో. త‌న‌కు అక్క‌డ రూ.60 కోట్ల మార్కెట్ ఉంది. ఈ సినిమాని తెలుగు, త‌మిళ భాష‌ల్లో తెర‌కెక్కిస్తున్నారు కాబ‌ట్టి.. రూ.30 కోట్లు ఇవ్వ‌ద‌గిన పారితోషిక‌మే. ఇటీవ‌ల శివ‌కార్తికేయ‌న్ న‌టించిన `డాక్ట‌ర్‌` చిత్రం తెలుగులో మంచి వ‌సూళ్ల‌ని అందుకుంది. కాబ‌ట్టి అటూ ఇటుగా ఈ సినిమాకి రూ.100 కోట్ల మార్కెట్ అయినా ఉంటుంది. అందుకే నిర్మాత‌లు కూడా ధైర్యం చేశారు.