‘అల్లరి’ నరేశ్, సునీల్ హీరోలుగా నటిస్తున్న సినిమా ‘సిల్లీ ఫెలోస్’. ‘సుడిగాడు’ తరవాత భీమనేని శ్రీనివాస్ దర్శకత్వంలో ‘అల్లరి’ నరేశ్ నటిస్తున్న సినిమా. వీళ్లిద్దరూ ‘సుడిగాడు’ హిట్ మేజిక్ మళ్లీ రిపీట్ చేయాలని ప్రయత్నిస్తున్న సినిమా. ఈ రోజు మోషన్ టీజ‌ర్ విడుదల చేశారు. ‘రాయ‌ల్ ఎన్‌ఫీల్డ్ డ్రైవ్ చేస్తున్న అల్ల‌రి న‌రేశ్‌… అతణ్ణి పట్టుకుని గాల్లో వెనుక వెళ్తున్న సునీల్’ మోషన్ టీజ‌ర్‌లో కనిపిస్తున్నారు. హీరోలు ఇద్దరూ డైలాగులు చెప్పారు. “ఈ స్పీడులో వెళితే… గంటలో శ్రీశైలం వెళ్లిపోతాం కదరా” అని ‘అల్లరి’ నరేశ్ అడిగితే… సునీల్ “గంట ఎందుకురా! అరగంటలో కైలాసానికి వెళతాం” అని సమాధానం ఇచ్చారు. అయితే… ఈ మోషన్ టీజ‌ర్ చూస్తే ఒక్కటే గుర్తుకు వస్తుంది. ‘అందరివాడు’లో ఓ కామెడీ సీన్! అందులోనూ సునీల్ సేమ్ ఫీట్ చేశాడు. చిరంజీవి ఓ బాటిల్ లాగించేసి స్పీడుగా రాయ‌ల్ ఎన్‌ఫీల్డ్ డ్రైవ్ చేస్తుంటే… గాల్లో వెళ్తూ బండిని పట్టుకున్న సునీల్ కామెడీ చేశారు. సేమ్ సీన్‌ని ఎందుకు రిపీట్ చేసినట్టో? ‘సుడిగాడు’ తరహాలో ‘సిల్లీ ఫెలోస్’లో కూడా స్పూఫ్ సీన్స్ వున్నాయేమో!!

https://www.youtube.com/watch?v=HLHqj5-dVs4&feature=youtu.be