జై లవ కుశ, స్పైడర్ ల తర్వాత ఈ దసరా కి వచ్చిన మహానుభావుడు సినిమా నిన్న రిలీజై, మంచి టాక్ తెచ్చుకున్న విషయం తెలిసిందే

అయినా ఇలాంటి కాంపిటీషన్ బాగా కలిసివస్తున్నట్టుంది శర్వానంద్ కి. 2016 సంక్రాంతి కి ఎక్స్ప్రెస్ రాజా రిలీజ్ చేసినప్పుడు – నాన్నకి ప్రేమతో, డిక్టేటర్, సోగ్గాడే చిన్ని నాయనల మధ్య నలిగిపోతాడని అనుకున్నారంతా. కానీ ఆశ్చర్యంగా మంచి వసూళ్ళు సాధించాడు. మళ్ళీ 2017 సంక్రాంతి కి ఖైది నంబర్ 150, గౌతమీ పుత్ర లాంటి బడా సినిమాలతో పాటు రిలీజ్ చేసాడు శతమానం భవతి ని. చిరు 150, బాలయ్య 100 వ సినిమాల మధ్యలో వచ్చిన ఈ సినిమా కూడా మంచి హిట్టయింది. ఆశ్చర్యమేంటంటే, ఎక్స్ప్రెస్ రాజా తర్వాత రాజాధి రాజ అనే శర్వానంద్ సినిమా పెద్ద పోటీ లేని సమయం లో వచ్చింది. అలాగే శర్వానంద్ సినిమా రాధ కూడా, శతమానం భవతి తర్వాత 2017 మే లో పెద్ద పోటీ లేకుండానే వచ్చింది. కానీ కాంపిటీషన్ పెద్దగా లేని సమయం లో వచ్చిన ఆ సినిమాలుపెద్ద గా ఆడలేదు.

మళ్ళీ ఇప్పుడు స్పైడర్, జై లవకుశ లు థియేటర్లలో ఉన్నపుడే వచ్చిన ఈ మహానుభావుడు కి మాత్రం మంచి హిట్ టాక్ వచ్చింది.. చూస్తుంటే ఎంతో కొంత పెద్ద హీరోల సినిమాల సందడి, కాంపిటీషన్ తో పాటు తన సినిమా రిలీజ్ చేయడమే శర్వానంద్ కి కలిసి వస్తున్నట్టుంది.