స్వ‌ప్న సినిమాపై అశ్వ‌నీద‌త్ కూతురు స్వ‌ప్న‌ద‌త్ ఓ చిత్రాన్ని నిర్మించ‌డానికి రెడీ అయ్యింది. పిట్ట‌గోడ ఫేమ్ అనుదీప్ ఈ చిత్రానికి ద‌ర్శ‌క‌త్వం వ‌హించ‌నున్నారు. క‌మెడియ‌న్లు ప్రియ‌ద‌ర్శి, రాహుల్ రామ‌కృష్ణ‌ల‌తో పాటు `ఏజెంట్ సాయి శ్రీ‌నివాస ఆత్రేయ‌` హీరో న‌వీన్ పొలిశెట్టి క‌థానాయ‌కులుగా న‌టించ‌నున్నారు. ఇందులో క‌థానాయిక‌గా షాలినీ పాండే ని ఎంచుకున్నారు. క‌థానాయిక పాత్ర‌కు అధిక ప్రాధాన్యం ఉండే సినిమా ఇది. కాస్త నేమూ, ఫేమూ ఉన్న నాయిక కోసం చిత్ర‌బృందం అన్వేషించింది. అందులో భాగంగానే షాలినీని ఎంచుకున్నారు. ఇందులో షాలినీ ఓ న్యాయ‌వాదిగా క‌నిపించ‌నుంది. స్ర్కిప్టు ప‌నులు పూర్త‌య్యాయి. త్వ‌ర‌లోనే ఈ సినిమా ప‌ట్టాలెక్క‌బోతోంది. మ‌హాన‌టి లాంటి సినిమాలో స్వ‌ప్న సినిమా.. పాపుల‌ర్ అయ్యింది. ఈసారీ క‌థాబ‌లం ఉన్న సినిమానే తీస్తున్నారు. పిట్ట‌గోడ‌తో ఫ్లాప్ ఇచ్చినా స‌రే – క‌థ‌పై న‌మ్మ‌కంతోనే అనుదీప్‌కి అవ‌కాశం ఇచ్చారు. మ‌రి ఈసారి ఏం చేస్తాడో చూడాలి.