మల్టీస్టారర్ సినిమాలకు ఊపిరిపోస్తున్న కథానాయకుల్లో వెంకటేష్ ఒకరు. కథ, తన పాత్ర నచ్చితే… ఏ కాంబినేషన్లో అయినా సినిమా చేయడానికి వెంకీ రెడీ! అయితే ఇంట్లో ఉన్న రానాతో కలసి ఓ సినిమా చేయాలని ఎప్పటి నుంచో అనుకొంటున్నాడు. వీరిద్దరూ కలసి కృష్ణం వందే జగద్గురుమ్లో ఓ పాటలో కనిపించారు. అయితే పూర్తిస్థాయి మల్టీస్టారర్ చేయాలని అటు వెంకీ, ఇటు రానా ఇద్దరూ భావిస్తున్నారు. అందుకోసం కథల వేట కూడా మొదలెట్టి చాలాకాలమైంది. ఇప్పటికి ఆ వ్యవహారం ఓ కొలిక్కి వచ్చినట్టు టాక్. వెంకీ, రానా కోసం ఓ కథ సిద్ధమైనట్టు టాలీవుడ్ టాక్.
అన్నట్టు ఈ సినిమాలో నాగచైతన్య కూడా కనిపించే అవకాశాలున్నాయి. క్షణంతో ఆకట్టుకొన్న రవికాంత్ పేరేపు… ఈ మల్టీస్టారర్ని డీల్ చేస్తున్నాడని తెలుస్తోంది. ఈ చిత్రాన్ని సురేష్ ప్రొడక్షన్స్ సంస్థ నిర్మించనుంది. ఇదో బాలీవుడ్ చిత్రానికి రీమేక్ అని తెలుస్తోంది. పూర్తి వివరాలు త్వరలో బయటకు వస్తాయి. ప్రస్తుతం బాబు బంగారంతో బిజీగా ఉన్నాడు వెంకీ. ఘాజీ, బాహుబలి 2తో రానా కూడా బిజీనే. బహుశా 2017 ప్రధమార్థంలో ఈ సినిమా పట్టాలెక్కే అవకాశాలున్నాయి.
