ప్రపంచ సిని చరిత్రలో సౌత్ సినిమాల ఖలేజాను దేశ దేశాలకు విస్తరించేలా చేసిన రెండు సినిమాలు రోబో, బాహుబలి సినిమాలు సెక్వెల్స్ ముహుర్తాలు ఈరోజే కావడం విశేషం. రోబో సీక్వెల్ గా రోబో 2.0గా వస్తుండగా.. బాహుబలి రెండవ భాగం బాహుబలి కంక్లూజన్ గా వస్తుంది. ఈ రెండు సినిమాల ముహుర్తాలు ఈరోజు జరగడం యాదృచ్చికమే అయినా రెండు భారీ బ్లాక్ బస్టర్ సినిమాల సీక్వెల్ ముహుర్తాలు ఒకే రోజు పెట్టుకోవడం శుభ పరిణామంగానే అనిపిస్తుంది.
రజని రోబో సినిమా ఎంతటి ఘన విజయం సాధించిందో అందరికి తెలిసిందే. శంకర్ దర్శకత్వంలో వచ్చిన ఆ సినిమా సౌత్ సినిమా స్టామినాను తెలియచేసింది. రోబో-2 కూడా అంతే విజువల్ వండర్ గా తీర్చిదిద్దే ప్రయత్నంలో ఉన్నాడు శంకర్. రజినితో ‘ఐ’ బ్యూటీ ఎమీ జాక్సన్ హీరోయిన్ గా ఈ సినిమాలో నటిస్తుంది.
బాహుబలి సినిమా తెలుగు సినిమా పవర్ ని దేశంలోనే కాదు ప్రపంచం అంతా గుర్తించేలా చేసిన రాజమౌళి ఈ సినిమా కంక్లూజన్ షూటింగ్ ఈరోజు మొదలు పెట్టబోతున్నారని సమాచారం. మరి రెండు భారీ ప్రాజెక్ట్స్ ఒకేరోజు మొదలు పెట్టడం చూస్తుంటే యుద్ధ హెచ్చరిక తెలియచేసినట్టు ఉంది. మరి సినిమాలు మొదలైనప్పుడే భారీ క్రేజ్ ని ఏర్పాటు చేసుకున్నె ఈ సినిమాలు విడుదల టైంలో ఎలాంటి సంచలనాలను సృష్టిస్తాయో చూడాలి.
