రామ్చరణ్, శంకర్ ‘గేమ్ ఛేంజర్’ సెకెండ్ సింగిల్ ‘రా మచ్చా’ ప్రోమో బయటికి వచ్చింది. ఈ పాటలో 1000 మంది జానపద నృత్యకారులతో కలిసి చరణ్ డ్యాన్స్ చేయబోతున్నారని స్వయంగా శంకర్ చెప్పిన సంగతి తెలిసిందే. చెప్పినట్లే ఆ గ్రాండ్ వైబ్ ప్రోమోలో కనిపించింది.
తమన్ క్యాచి ట్యూన్ ఇచ్చాడు. మాంచి బీట్, సౌండ్ తో థియేటర్ దద్దరిల్లేలా వుంది ఈ పాట. నకాష్ అజీజ్ ఫుల్ ఎనర్జీతో పాడాడు. దేశంలోని పలు జానపద నృత్యల స్పూర్తితో కొరియోగ్రఫీ చేశారు. ప్రోమోలో ఓ సిగ్నేచర్ స్టెప్ కూడా వుంది. రామ్ చరణ్ ఫుల్ గ్రేస్ తో అదరగొట్టాడు.
శంకర్ పాటలు చాలా గ్రాండ్ స్కేల్ లో తీస్తారు. ‘రా మచ్చా’ లో కూడా ఆ లావిష్ నెస్ కనిపించింది. మొత్తానికి మెగా అభిమానులు పండగ చేసుకునే పాటే రాబోతోందని ప్రోమో ద్వారా హింట్ ఇచ్చారు.
