అదేంటి అల్లు అర్జున్ స్టైలిష్ స్టార్ అని అనుకుంటే సడెన్ గా ఇలా ఊర మాస్ అనేస్తున్నారు అని కంగారు పడుతున్నారు కదా.. అయితే మీరు ఇంకా సరైనోడు టీజర్ చూడలేదన్న మాట. కొద్దిగంటల క్రితం రిలీజ్ అయిన ఈ టీజర్ అప్పుడే ఫ్యాన్స్ లో ఓ రేంజ్ లో వెళ్లింది. బోయపాటి టేకింగ్, బన్ని యాక్టింగ్ కలిపి సినిమా సూపర్ హిట్ గ్యారెంటీ అనేంతలా ఈ టీజర్ ఉండింది.
ఎర్ర తోలు కదా స్టైల్ గా ఉంటాడనుకున్నావేమో.. మాస్ ఊర మాస్ అంటూ బన్ని డైలాగ్ చెబుతుంటే మెగా అభిమానుల్లో ఉత్సాహం ఉరకలేస్తుంది. ఈ ఒక్క డైలాగ్ చాలదా సినిమా హిట్ అనడానికి.. బన్నిలోని మాస్ యాంగిల్ ను పర్ఫెక్ట్ గా ప్రెజెంట్ చేసే సినిమా ఈ సరైనోడు తెరకెక్కుతుంది. ప్రస్తుతం చివరి దశకు చేరుకున్న ఈ సినిమా షూటింగ్ త్వరలో పూర్తి కానుంది.
గీతా ఆర్ట్స్ బ్యానర్ లో అల్లు అరవింద్ నిర్మిస్తున్న ఈ సినిమాకు థమన్ మ్యూజిక్ అందిస్తుండగా.. రకుల్ ప్రీత్ సింగ్, కేథరిన్ త్రేసాలు కథానాయికలుగా నటిస్తున్నారు. అన్ని హంగులను ముగించుకుని సినిమా ఆడియోను మార్చ్ చివరన.. సినిమాను ఏప్రిల్ మూడో వారంలో రిలీజ్ చేసేలా ప్లాన్ చేస్తున్నారు.
