సూపర్ స్టార్ మహేష్ బాబు ‘సర్కారు వారి పాట’ ఆల్బమ్ లో మొదటి రెండు పాటలు ఇప్పటికే హిట్స్ గా నిలిచాయి. కళావతి, పెన్నీ పాటలు బాగానే జనాదరణ పొందాయి. తాజాగా ‘సర్కారు వారి పాట’ నుంచి మూడవ సింగల్ టైటిల్ సాంగ్‌ను విడుదల చేశారు. ఈ టైటిల్ సాంగ్ కూడా మాస్ కి నచ్చేట్లు కంపోజ్ చేశాడు తమన్. అనంత్ శ్రీరామ్ రాసిన ”ఆయుధాలు లేని వేట, రివర్స్ లేని బాట”అనే మాటలు కూడా బావున్నాయి. హారిక నారాయణ్ హై పిచ్ లో పాడిన విధానం కూడా బావుంది. ఈ పాటలో మహేష్ బాబు పూర్తిగా యాక్షన్ లుక్స్ లో కనిపించాడు. టైటిల్ సాంగ్ వీడియోని టైటిల్ కి తగ్గట్టు ప్రామసరీ నోట్లు స్టాంప్ లు, తాళాలు ఉండేట్లు డిజైన్ చేశారు. ఒక టికెట్ తెంపిన తర్వాత టికెట్లన్నీ ఎగిరిపోయేలా తీసిన ఒక షాట్ బావుంది. మే 12న ఈ సినిమా ప్రపంచవ్యాప్తంగా విడుదల కానుంది.