కొద్ది సేప‌టి క్రింద‌ట స‌ర్దార్ సినిమా సెన్సార్ పూర్త‌య్యింది. ఈ సినిమాకి యూ బై ఏ స‌ర్టిఫికెట్ ఇచ్చింది సెన్సార్ బృందం. సినిమా ప‌క్కా మాస్‌, యాక్ష‌న్, క‌మ‌ర్షియ‌ల్ పంథాలో సాగింద‌ని సెన్సార్ రిపోర్ట్. సినిమా అంత‌టినీ ప‌వ‌న్ క‌ల్యాణ్ త‌న భుజ స్కంధాల‌పై వేసుకొని న‌డిపించాడ‌ని, ప‌వ‌న్ వ‌న్ మ్యాన్ షోల్లో ఈ సినిమా నిలిచిపోతుంద‌ని తెలుస్తోంది. కాజ‌ల్ ఓ పాట‌లో ఎప్పుడూ లేనంత‌గా గ్లామ‌ర్ కురిపించింద‌ట‌. స‌ర్దార్ ఇంట్ర‌వెల్ ఫైట్ ఓ రేంజులో వ‌చ్చింద‌ని, పొటిటిక‌ల్ డైలాగ్స్ బాగా పేలాయ‌ని, కొంత‌మంది పొలిటీష‌న్స్‌కి ప‌వ‌న్ ప‌రోక్షంగా ఈ సినిమాలో సెటైర్లు వేశాడ‌ని తెలుస్తోంది. అనుకొన్న స‌మ‌యంలో సెన్సార్ పూర్త‌వ్వ‌డం, దానికి పాజిటీవ్ బ‌జ్ రావ‌డం ప‌ట్ల చిత్ర‌బృందం సంతోషంగా ఉంది. ఏప్రిల్ 8న స‌ర్దార్ రావ‌డం ఖాయ‌మ‌ని చిత్ర‌బృందం తెలిపింది. స‌ర్దార్ సినిమా రెండు పాట‌లు మిన‌హా పూర్త‌య్యింది. ఆ మిగిలిన రెండు పాట‌ల్నీ ఏప్రిల్ 2వ తేదీన సెన్సార్ చేస్తారు.