అల్లు అర్జున్, బోయపాటి శ్రీను కాంబినేషన్లో రూపొందుతున్న ఫుల్ లెంగ్త్ మాస్ ఎంటర్టైనర్ ‘సరైనోడు’. ఈ చిత్రం షూటింగ్ శరవేగంగా జరుగుతోంది. ఇప్పటివరకు అల్లు అర్జున్ చెయ్యని ఒక డిఫరెంట్ క్యారెక్టర్ని ఈ చిత్రంలో చేస్తున్నాడట. ఈ చిత్రానికి సంబంధించిన ఫస్ట్ లుక్ని సంక్రాంతికి విడుదల చేయడానికి ప్లాన్ చేస్తున్నారు. అలాగే ఈ చిత్రం ఆడియోను కూడా త్వరలోనే రిలీజ్ చేస్తారని వస్తున్న వార్తల్లో ఎంతవరకు నిజం వుందో తెలీదు. సమ్మర్లో చిత్రాన్ని రిలీజ్ చెయ్యాలని నిర్మాత అల్లు అరవింద్, దర్శకుడు బోయపాటి శ్రీను భావిస్తున్నారు. అయితే ఈ చిత్రం ఆడియోను మాత్రం ఫిబ్రవరి 14న వాలెంటైన్స్ డే సందర్భంగా రిలీజ్ చేస్తున్నారని వార్తలు వస్తున్నాయి. ఆడియో రిలీజ్ డేట్ కన్ఫర్మ్ అయిన విషయం నిజమేనని గీతా ఆర్ట్స్ కాంపౌండ్ నుంచి వస్తున్న సమాచారం. సినిమా సమ్మర్ చెయ్యాలనుకుంటే రెండు నెలలు ముందుగానే హడావిడిగా ఆడియో రిలీజ్ చెయ్యాల్సిన అవసరం ఏముందని, అల్లు అర్జున్, బోయపాటి శ్రీను ఈ నిర్ణయం ఎందుకు తీసుకున్నారో అర్థం కావడం లేదని ట్రేడ్ వర్గాలు అంటున్నాయి.
ఈ చిత్రానికి థమన్ మ్యూజిక్ చేస్తున్నాడు. ఈ సినిమాలో అల్లు అర్జున్తో కలిసి అంజలి ఒక స్పెషల్ సాంగ్ చేస్తోందన్న వార్త టాక్ ఆఫ్ ది ఇండస్ట్రీ అయింది. ఎందుకంటే ‘డిక్టేటర్’ వంటి భారీ చిత్రంలో బాలకృష్ణ లాంటి స్టార్ హీరో సరసన హీరోయిన్గా నటించిన అంజలి ‘సరైనోడు’ చిత్రంలో స్పెషల్ చేస్తోందంటే అది ఖచ్చితంగా అందరూ చర్చించుకోవాల్సిన విషయమే కదా. అల్లు అర్జున్ సరసన రకుల్ ప్రీత్ హీరోయిన్గా నటిస్తున్న ఈ చిత్రంలో ఆది పినిశెట్టి విలన్గా నటిస్తున్న విషయం తెలిసిందే.
