డ‌బుల్ ఇస్మార్ట్ లో బిగ్ బుల్ పాత్ర‌లో ద‌ర్శ‌న‌మివ్వ‌నున్నాడు సంజ‌య్‌ద‌త్‌. మున్నాభాయ్ రాక‌తో… ఈ సినిమా మైలేజ్ పెరిగిన‌ట్టే. ముఖ్యంగా బాలీవుడ్ లో మంచి మార్కెట్ ఏర్ప‌డుతుంది. ఇందులో మున్నాభాయ్‌ది చిన్నా చిత‌కా పాత్ర కాదు. ఏకంగా 60 రోజుల కాల్షీట్లు ఇచ్చాడు. అందుకుగానూ… సంజూ అందుకొన్న పారితోషికం రూ.15 కోట్లు. లెక్క‌గా చూస్తే విల‌న్ కోసం రూ.15 కోట్లు వెచ్చించ‌డం అంటే పెద్ద మొత్త‌మే. కానీ ఇక్క‌డున్న‌ది సంజ‌య్ ద‌త్‌. 20 రోజులు, 15 రోజులూ చేసిన బాలీవుడ్ స్టార్లే 10 కోట్లు 20 కోట్లు ప‌ట్టుకెళ్లిపోతున్నారు. అలాంటిది సంజూ 60 రోజుల‌కు గానూ 15 కోట్ల‌కు దొరికేయ‌డం అంటే లాభ‌సాటి బేర‌మే అనుకోవాలి. దానికి తోడు సంజూ ఆ మొత్తాన్ని రాబ‌ట్ట‌గ‌ల‌డు కూడా. హిందీ బెల్ట్‌లో సంజూ ఓ ప్ల‌స్ పాయింట్. త‌నపై పెట్టిన పెట్టుబ‌డి వ‌చ్చేయ‌డం ఖాయం.

ఈ సినిమాని పూరి ఎప్ప‌టిలానే సూప‌ర్ ఫాస్ట్ గా లాగించేస్తున్నాడు. తొలి షెడ్యూల్ లో రెండు ఫైట్లు పూర్తి చేసేశాడు. ఇందులో సంజూ ఇంట్రో పార్ట్ కూడా ఉంది. అయితే ఈ సినిమాలో హీరోయిన్లు ఇంకా ఖ‌రారు కాలేదు. పూరి దృష్టి కొత్త‌మ్మాయిల‌పై ఉంది. ఈక‌థ‌కు స్టార్ హీరోయిన్లు అవ‌స‌ర‌కం లేద‌న్న‌ది త‌న ఫీలింగ్. మ‌రి హీరోయిన్లుగా ఎవ‌ర్ని ఎంపిక చేస్తారో చూడాలి.