ప్ర‌భాస్ 25వ సినిమా ఫిక్స‌య్యింది. సందీప్ రెడ్డి వంగా ద‌ర్శ‌కుడు. ఈ చిత్రానికి `స్పిరిట్‌` అనే పేరు ఫిక్స్ చేశారు. యూవీ క్రియేష‌న్స్‌, టీ సిరీస్ సంస్థ‌లు సంయుక్తంగా ఈ చిత్రాన్ని తెర‌కెక్కిస్తున్నాయి. 8 భాష‌ల్లో ఈ చిత్రాన్ని రూపొందిస్తున్నారు. అంత‌ర్జాతీయంగానూ ఈ సినిమాని విడుద‌ల చేస్తారు. ప్ర‌భాస్ న‌టిస్తున్న 25వ సినిమా ఇది. అందుకే ఈ సినిమాని మ‌రింత గ్రాండ్ గా రూపొందించాల‌న్న‌ది ప్లాన్‌. ప్ర‌భాస్ చేతిలో రాధేశ్యామ్, ఆది పురుష్‌, స‌లార్ సినిమాలున్నాయి. నాగ అశ్విన్ ద‌ర్శక‌త్వంలో ఓ సినిమా చేస్తున్నాడు ప్ర‌భాస్‌. ఇవ‌న్నీ ఓ కొలిక్కి వ‌చ్చిన త‌ర‌వాతే… స్పిరిట్ మొద‌ల‌వుతుంది.

* మ‌హేష్‌కి చెప్పిన క‌థ ఇదే!

అర్జున్ రెడ్డి త‌ర‌వాత సందీప్ రెడ్డి వంగాకి చాలా ఆఫ‌ర్లు వ‌చ్చాయి. మ‌హేష్ బాబు సైతం పిలిచి మాట్లాడాడు. ఓ సినిమా చేద్దాం అని ఆఫ‌ర్ ఇచ్చాడు. ఈ కాంబో దాదాపుగా సెట్ అయ్యేదే. కానీ క‌థ విష‌యంలో మ‌హేష్ కి చిన్న పాటి క‌న్‌ఫ్యూజ‌న్లు ఉండ‌డంతో ప‌క్క‌న పెట్టాల్సివ‌చ్చింది. అప్పుడు మ‌హేష్ కోసం రాసుకున్న క‌థ‌నే.. ఇప్పుడు ప్ర‌భాస్ తో తీస్తున్నార‌ని స‌మాచారం. సో.. క‌థెప్పుడో రెడీ. దానికి చిన్న‌పాటి మెరుగులు దిద్దడ‌మే బాకీ.