మహేష్ అభిమానులకు ఇది అదిరిపోయే వార్త! మురుగదాస్ సినిమాకి సంబంధించిన ఫస్ట్ లుక్ కోసం ఎన్నాళ్ల నుంచో మహేష్ ఫ్యాన్స్ కళ్లు కాయలు కాచేలా ఎదురుచూస్తున్నారు. ఇదిగో.. అదిగో అనుకొంటున్నారు గానీ, మహేష్ నుంచి ఒక్క లుక్ కూడా బయటకు రాలేదు. ఈలోగా చాలా పండగలూ వెళ్లిపోయాయి. ఇప్పుడు మహేష్ అభిమానుల నిరీక్షణ ఫలించబోతోంది. మహేష్ -మురుగదాస్ల ఫస్ట్ లుక్ రాబోతోంది. ఈనెల 12 వ తేదీ సాయింత్రం 5 గంటలకు ఫస్ట్ లుక్ ని చూపించడానికి చిత్రబృందం సమాయాత్తం అయ్యింది. అభిమానుల అంచనాలు, వాళ్ల ఎదురుచూపులకు తగ్గట్టుగా ఫస్ట్ లుక్కి క్రియేటీవ్ గా డిజైన్ చేశాడట మురుగదాస్. ఇక.. ప్రిన్స్ ఫ్యాన్స్కి పండగే.
అన్నట్టు సరిగ్గా అదే రోజు.. అదే సమయానికి సంపూర్నేష్ బాబు మహేష్కి పోటీగా దిగిపోతున్నాడు. తన తాజా చిత్రం ‘కొబ్బరి మట్ట’కు సంబంధించిన ఓ పాటని 12వ తేదీ, 5 గంటలకు విడుదల చేస్తున్నాడు. సంపూకి సోషల్ మీడియాలో అభిమానులకు కొరత లేదు. ‘కొబ్బరి మట్ట’ టీజర్కి వచ్చిన వ్యూసే అందుకు సాక్ష్యం. మహేష్ ఫస్ట్ లుక్ హడావుడిలోనే.. తన టీజర్పైనా ఓ లుక్ వేస్తారని సంపూ నమ్ముతున్నాడు. అందుకే సరిగ్గా అదే సమయానికి తన పాటని విడుదల చేస్తున్నాడన్నమాట. సాధారణంగా పెద్ద హీరోలకు సంబంధించిన టీజర్లు, ఫస్ట్ లుక్లు వచ్చినప్పుడు మిగిలిన సినిమాలు, మిగిలిన స్టార్లూ… కాస్త వెనకడుగు వేస్తారు. కానీ సంపూ మాత్రం ధైర్యంగా తన టీజర్ని రెడీ చేస్తున్నాడు. ఎంతైనా సంపూ సంపూనే.
