ఏపీలో బస్సు యాత్రలు చేసేటప్పుడు జగన్ కు మోకాళ్ల మీద నిలబడి దండాలు పెట్టే బ్యాచ్ ను ఐ ప్యాక్ ఏర్పాటు చేస్తుంది. ఆ వీడియోలు సర్క్యూలేట్ చేసుకుంటూ ఉంటారు. ఇదేం బానిసత్వంరా బాబూ అని అనుకునేవాళ్లు అనుకుంటారు.. కానీ కొంత మంది మాత్రం.. జగన్మోహన్ రెడ్డి క్రేజ్ అనుకుంటారు. సెటప్ ను లండన్ లోనూ ఏర్పాటు చేసుకున్నారు.
అత్యంత లగ్జరీ విమానంలో విజయవాడ నుంచి లండన్ వెళ్లారు జగన్. మొదట ఆయనకు లండన్ లో దిగేందుకు పర్మిషన్ దొరకలేదు.. దాంతో విమానం అమ్స్టర్ డామ్కు డైవర్ట్ అయింది. తర్వాత పర్మిషన్ లభించడంతో ఆలస్యంగా లండన్ చేరుకున్నారు. ప్రైవేటు విమానంలో అత్యంత ఖరీదైన ల్యాండింగ్ .. దానికి తగ్గట్లుగానే పెద్ద ఎత్తున ఖరీదైన బెంజ్ కార్లతో ఆహ్వానం ఏర్పాటు చేసుకున్నారు.
ఈ ఏర్పాట్లు చేయడానికి ముగ్గురు సభ్యుల సెక్యూరిటీ బృందం ముందుగానే వెళ్లింది. వారికి కోటిన్నర ఖర్చు చేస్తున్నారు. అలాగే కొంత మందిని పోగేసి.. జగన్ కారు వెళ్తున్నప్పుడు మోకాళ్ల దండ వేసే ఓ కుర్రాడ్ని కూడా మాట్లాడారు. అతను అలాగే దండం పెట్టాడు. ఏ దేశమేగినా ఈ బానిసత్వం ఏందిరా నాయనా అనుకునేలా ప్రవర్తించారు. అయితే ఇదంతా ప్రత్యేకంగా ఏర్పాటు చేసుకున్న సెటప్ అని ఎవరికైనా అర్థమైపోతుంది.
