ఏమాయ చేసావే సినిమాతో టాలీవుడ్ అరంగేట్రం చేసిన సమంత స్టార్ ఇమేజ్ సంపాధించుకుంది. ప్రేక్షకులనే కాదు హీరోలు, దర్శక నిర్మాతలను కూడా తన మత్తులో పడేసుకున్న ఈ భామ కెరియర్ ఎప్పుడు పీక్స్ లో ఉంటూ వస్తుంది. ఎప్పుడూ చేతిలో రెండు మూడు సినిమాలతో బిజీ ఉంటూ వస్తున్న సమంత హిట్ కొట్టినా ఫ్లాప్ చవిచూసినా ఆఫర్లు కూడా అదే రేంజ్ లో వస్తాయి. తెలుగులో అమ్మడికి హిట్ ట్రాక్ ఉంది కాబట్టి అవకాశాలు వస్తున్నాయని భావించొచ్చు కాని తమిళ్ లో తను నటించిన సినిమాలు ఫ్లాప్ అవుతున్నా అమ్మడిని వదలట్లేదు అక్కడ దర్శక నిర్మాతలు.
ప్రస్తుతం తెలుగులో నటిస్తున్న ‘బ్రహ్మోత్సవం’, ‘అ..ఆ’ మూవీలు సమ్మర్ రిలీజ్ కు సిద్ధమవుతున్నాయి. ఇక కోలీవుడ్ లో కూడా సూర్య సరసన నటిస్తున్న ’24’, విజయ్ ‘తేరి’ లు కూడా ఏప్రిల్, మే నెలల్లోనే రిలీజ్ అవుతున్నాయి. రిలీజ్ అవుతున్న సినిమాలన్ని క్రేజీ ప్రాజెక్ట్స్ కావడం చేత వాటి ఫలితాల మీద ధీమాగా ఉంది సమంత. అందుకే ఈ వేసవి మొత్తం నాదే అంటూ సోయగాలు పోతుంది ఈ అమ్మడు. తెలుగు, తమిళ్ లో చెరి రెండు సినిమాలతో వేసవి సినిమాలతో వస్తున్న సమంత ప్రేక్షకులను ఎలా ఆకట్టుకోనుందో చూడాలి.
