సమంత, గుణశేఖర్ ఆశలన్నీ శాకుంతలంపైనే ఉన్నాయి. గుణశేఖర్ డ్రీమ్ ప్రాజెక్టులలో ఇదొకటి. భారీ వ్యయ ప్రయాసలతో నిర్మించారు. ఈ సినిమా ఈపాటికి విడుదల కావాల్సిందే. కానీ కొన్ని సాంకేతిక కారణాల వల్ల ఆలస్యం అవుతూ వచ్చింది. త్రీడీలో ఈ సినిమాని చూపించాలని గుణశేఖర్ భావించడంతో రిలీజ్డేట్ పలుసార్లు వాయిదా పడింది. ఎట్టకేలకు ఏప్రిల్ 14న ఈ సినిమా విడుదల అవుతోంది. అంటే… ఇంకో నెలరోజుల సమయం ఉంది. ఈలోగా ఫైనల్కాపీ కూడా సెట్ చేసిన గుణశేఖర్ సమంత కోసం ఓ స్పెషల్ షో వేశారు. ఈ షోకి దిల్ రాజు కూడా హాజరయ్యారు. ఈ షో చూసి.. సమంత పులకించి పోయింది. త్వరలోనే ఓ ఎపిక్ రాబోతోందని తెలిపిన సమంత.. ఇంత గొప్ప జ్ఞాపకాన్ని సినిమానీ ఇచ్చిన గుణశేఖర్కి ధన్య వాదాలు చెప్పింది. ఇంత గొప్ప సినిమాని ప్రేక్షకులకు ఎప్పుడెప్పుడు చూపిస్తానా? అనే ఆత్రుత తనలో ఎక్కువైపోయిందని కామెంట్ చేసింది. మొత్తానికి… సమంతలో హిట్ వైబ్రేషన్స్ కనిపిస్తున్నాయి. సినిమా విడుదలకు ఇంకా నెల రోజుల సమయం ఉంది. ఇది చాలు. భారీ ప్రమోషన్లు కల్పించాడానికి. సమంత కూడా ఈసారి ప్రమోషన్లలో చాలా ఎగ్రెసివ్గా పాలు పంచుకోవాలని చూస్తోంది. తన గత చిత్రం `యశోద` బాక్సాఫీసు దగ్గర నిరాశ పరిచింది. సమంత ప్రమోషన్లకు వచ్చి ఉంటే కలక్షన్లలో కచ్చితంగా తేడా వచ్చేదని విశ్లేషకులు తేల్చేశారు. ఆ పొరపాటు `శాకుంతలం` విషయంలో చేయకూడదని సమంత భావిస్తోంది. అందుకే నెల రోజుల ముందే ప్రమోషన్లు మొదలెట్టింది.
‘శాకుంతలం’ చూసి పులకించిన సమంత
