ధనుష్తో కలసి ఓ తమిళ సినిమాలో నటిస్తోంది సమంత. ‘వడ చెన్నై’ అనే పేరు పెట్టారు. ఈ సినిమాపై సమంత చాలా హోప్స్ పెట్టుకొంది. సమంత చేతిలో ఉన్న తమిళ చిత్రం అదొక్కటే. అయితే… ఈ సినిమాలోంచి సమంతని పక్కన పెట్టారని తెలుస్తోంది. ఇటీవల సమంత పెళ్లి చేసుకొంటోందన్న వార్తలు గుప్పుమన్నాయి. సమంత పెళ్లికి లైన్ క్లియర్ అయినట్టు.. త్వరలోనే పెళ్లి చేసుకోబోతున్నట్టు చెప్పుకొంటున్నారు. పెళ్లయ్యాక.. కనీసం కొన్ని నెలలు సినిమాలకు సమంత దూరం అవ్వడం ఖాయం. ఆ భయంతోనే ఈ సినిమా నుంచి సమంతని పక్కన పెట్టారని తెలుస్తోంది.
ఈ చిత్రానికి ధనుష్ నిర్మాతగానూ వ్యవహరిస్తున్నాడు. ముందు జాగ్రత్త చర్యగానే.. సమంత బదులు మరో కథానాయికని ఎంచుకోవాలనుకొంటున్నాడట. ప్రత్యామ్నాయ మార్గాలనూ ధనుష్ అన్వేషిస్తున్నాడని, మరో కథానాయికని లైన్లోకి తీసుకొచ్చాడని చెప్పుకొంటున్నారు. ఇందుకు సంబంధించి దర్శకుడు వెట్రిమారన్ సమంతతో చర్చలు జరిపాడని… `ఒకవేళ తనని పక్కన పెట్టాలనుకొంటే ఎలాంటి అభ్యంతరం లేదు` అంటూ సమంత క్లారిటీగా చెప్పేసిందని తెలుస్తోంది.
