https://www.youtube.com/watch?v=vL52jQd1-3o

యాక్ష‌న్ ఎంట‌ర్‌టైన్‌మెంట్ చిత్రాల‌కు కేరాఫ్ గా నిలిచాడు సాయిధ‌ర‌మ్ తేజ్‌! తొలిసారి కాస్త దేశ‌భ‌క్తి భావ‌జాలం నిండిన సినిమా చేస్తున్నాడు. అదే.. ‘జ‌వాన్‌’. ర‌చ‌యిత బివిఎస్ ర‌వి ఈ చిత్రానికి ద‌ర్శ‌కుడు. టీజ‌ర్ ని కొద్ది సేప‌టి క్రితమే ఆన్ లైన్‌లో వ‌దిలారు. ‘దేశ‌భ‌క్తి అనేది కిరీటం కాదు.. బాధ్య‌త‌’ అనే డైలాగ్‌తో సాగిన ఈ టీజ‌ర్‌లో దేశ‌భ‌క్తి నిండిపోయింది. వ్య‌క్తులు క‌లిస్తే కుటుంబాలు – కొన్ని ల‌క్ష‌ల కుటుంబాలు క‌లిస్తే దేశం అనే పాయింట్ తో ఈ సినిమా సాగ‌బోతోంది. ఆ పాయింటే.. టీజ‌ర్‌లోనూ బ‌లంగా చెప్పే ప్ర‌య‌త్నం చేశారు. సాయిధ‌ర‌మ్ తేజ్ లుక్‌లో.. కొత్త‌ద‌నం ఏం లేక‌పోయినా…. టీజ‌ర్‌లో ఇన్‌టెన్సిటీ తెలిసిపోతోంది. ‘వాంటెడ్‌’ సినిమాతో ద‌ర్శ‌కుడిగా మారిన ర‌వికి ఆ సినిమా బాగా నిరాశ ప‌రిచింది. ‘జ‌వాన్‌’తో ఎలాగైనా స‌రే.. ద‌ర్శ‌కుడిగా త‌న మార్క్ చూపించుకోవాల‌ని ఉత్సాహం చూపిస్తున్నాడు. మ‌రి జ‌వాన్ ఏం చేస్తాడో చూడాలి.