సుశాంత్ సింగ్ రాజ్ పుత్ ఆత్మహత్య వెనుక.. ప్రత్యక్షంగానూ పరోక్షంగానూ మహేష్ భట్ ప్రమేయం ఉందని సుశాంత్ అభిమానులు నమ్ముతున్నారు. చాలా రోజులుగా సుశాంత్ వర్గం మహేష్ భట్ ని టార్గెట్ చేస్తోంది. ఇప్పుడు వాళ్ల దృష్టి `సడక్ 2`పై పడింది. ఈ సినిమాకి దర్శక నిర్మాత.. మహేష్ భట్. సంజయ్దత్, పూజా భట్, ఆదిత్యరాయ్ కపూర్, ఆలియా భట్ ప్రధాన పాత్రలు పోషించారు. ట్రైలర్ ఈరోజే విడుదలచేశారు. ఈ ట్రైలర్కి డిజ్ లైక్లు వెల్లువగా వస్తున్నాయి. లైకుల కంటే.. డిజ్ లైకులే ఎన్నో రెట్లు ఎక్కువగా కనిపిస్తున్నాయి. ఇదంతా.. సుశాంత్ అభిమానుల సెగ.
ఈ సినిమాని ఎవరూ చూడొద్దని.. సుశాంత్ అభిమానులు ప్రతిన బూనారు. అందుకు ఫలితమే ఇన్ని డిజ్ లైకులు. అలాగని.. ట్రైలర్ బాలేదని కాదు. ఇంట్రస్ట్రింగ్ గానే ఉంది. అయినా.. సరే, సుశాంత్ అభిమానులు ఆగడం లేదు. నెల 28న హాట్ స్టార్ లో ఈ సినిమా స్ట్రీమింగ్ కానుంది. అప్పుడూ.. సుశాంత్ అభిమానులు ఇలానే ఈ సినిమాతో ఆడుకుంటారా? అనే అనుమానాలు మహేష్ భట్ ని కుదిపేస్తున్నాయి. సుశాంత్ చివరి సినిమా దిల్ బెచారా కూడా హాట్ స్టార్ లోనే విడుదలై.. స్ట్రీమింగ్ పరంగా రికార్డులు సృష్టించింది. ఆ సినిమా ట్రైలర్ సైతం వరల్డ్ రికార్డు సృష్టించింది. ఆ ప్రేమని.. ఇప్పుడు సడక్ 2పై ద్వేషంగా మార్చుకున్నారు సుశాంత్ ఫ్యాన్స్. అభిమానులకు కోపం వస్తే అంతే మరి.
