అదిగో పెళ్లి… ఇదిగో పిల్లలు అంటూ సెలబ్రిటీ లవర్స్కు ఇష్టమొచ్చినట్టు ముడివేసేసే మీడియా… క్రికెట్ కెప్టెన్ విరాట్ కొహ్లీకి, ఆయన ప్రేయసి అనుష్క శర్మ పెళ్లికీ కూడా తాజాగా ఓ ముహూర్తం పెట్టేసింది. అయితే అది పుకారేనని ఇప్పుడు తేలింది.
గత రెండు రోజులుగా మీడియాలో వీరిద్దరి పెళ్లి గురించి పెద్ద యెత్తున రూమర్లు చెలరేగాయి. నాలుగేళ్లుగా వార్తల్లో నానుతున్న ఈ ప్రేమికులు డిసెంబరు నెలలో పెళ్లి చేసుకుని, ఒక్కటి కానున్నారంటూ తేల్చేశాయి. ఈ విషయంలో బ్రేకింగ్ల మీద బ్రేకింగ్లు ఇవ్వడంలో భాషలకు అతీతంగా చానెళ్లు పోటీపడ్డాయి. అంతేకాదు తాజాగా ఒక వెడ్డింగ్ థీమ్తో రూపొందిన యాడ్లో వీరిద్దరూ కలిసి నటించడం, ఆ యాడ్ హల్చల్ చేస్తుండగానే వీరిద్దరి పెళ్లి ఖరారవడం అంతా కో ఇన్సిడెన్స్ అంటూ ఏదేదో కధనాలను వండి వార్చాయి.
అయితే తమ పెళ్లి ముచ్చట . తమ పెళ్లికి మీడియా పెట్టిన ముహూర్తం ఒట్టి అబద్ధం తోసిపుచ్చారీ సెలబ్రిటీ ప్రతినిధులు. అనుష్క వ్యవహారాలు చూసే టాలెంట్ ఏజెన్సీ ఇవన్నీ రూమర్లంటూ నిర్ద్వందంగా ఖండిచింది. మరి ఇంతకీ ఈ నిప్పు లేని పొగ ఎక్కడి నుంచి వచ్చిందంటారు? మ్యాచ్ మ్యాచ్కూ పరుగుల వరద పారిస్తూ, విపరీతమైన, నిర్విరామ క్రికెట్ షెడ్యూల్తో అలసిపోయిన విరాట్ సెలవు కోరడమే ఈ పుకార్లనే పొగను రాజేసిన నిప్పు. గత కొంతకాలంగా భారతీయ క్రికెట్కు ఊపిరిసలపని షెడ్యూల్ ఉంది. ఈ నేపధ్యంలో వ్యక్తిగత కారణాలతో డిసెంబరులో తనకు సెలవు కావాలని కొహ్లీ బిసిసిఐని అభ్యర్ధించాడు. ఈ అభ్యర్ధన బయటకు రావడంతో ఇలాంటి వార్తల కోసమే కాచుక్కూచునే మీడియా దీన్ని చిలవలు పలువలు చేసి… పెళ్లి కూడా చేసేద్దామని సరదా పడిపోయింది. అదండీ సంగతి.
