బాలయ్య ‘రూలర్’గా ప్రేక్షకుల ముందుకు వచ్చేస్తున్నాడు. శుక్రవారం ఈ సినిమా విడుదల కానుంది. ఇప్పటికే ప్రమోషన్స్ని పీక్స్లో చేస్తున్నారు. ఈ సినిమా సెన్సార్ కూడా పూర్తి చేసుకుంది. సెన్సార్ బోర్డు యు బై ఏ సర్టిఫికెట్ ఇచ్చింది. సినిమా నిడివి రెండున్నర గంటలు.
యాక్షన్కి పెద్ద పీట వేసిన సినిమా ఇది. 4 ఫైట్లున్నాయట. బాలయ్య ఫైటింగులు మాస్కి బాగానే ఎక్కేస్తాయి. అయితే ఆ ఫైట్స్లో రక్తపాతం, హింస ఎక్కువగా కనిపిస్తున్నాయని, ఈ రేంజులో సినిమా ఉంటే.. కుటుంబ ప్రేక్షకులకు ఎక్కడం చాలా కష్టమని తెలుస్తోంది. మాస్ డైలాగులు పేజీల కొద్దీ చెప్పేశారని, అందులో మోతాదు ఎక్కువైన సంభాషణలు వినిపించాయని టాక్. ఈ విషయం ట్రైలర్ చూస్తేనే అర్థమైపోతుంది. బాలయ్య సినిమా ‘జైసింహా’ కుటుంబ ప్రేక్షకుల్ని ఆకట్టుకుంది. నయనతార ఎపిసోడ్ మహిళా ప్రేక్షకులకు నచ్చింది. కాకపోతే `రూలర్`లో అలాంటి అంశాలేం కనిపించడం లేదు. మరి… రిజల్ట్ ఎలా ఉంటుందో చూడాలి.
