ఆకాష్ పూరి, కేతికా శర్మ జంటగా అనిల్ పాడూరి తెరకెక్కించిన చిత్రం ‘రొమాంటిక్’. పూరి కనెక్ట్స్ పతాకంపై పూరి జగన్నాథ్, ఛార్మి సంయుక్తంగా నిర్మించారు. శుక్రవారం వరంగలో ప్రీరిలీజ్ ఈవెంట్ జరిగింది. సినిమా యూనిట్ తో పాటు మంత్రి ఎర్రబల్లి దయాకర్, హీరో విజయ్ దేవరకొండ కార్యక్రామనికి విచ్చేశారు. ఈ ఈవెంట్ లో పూరి మాట్లాడుతూ.. రొమాంటిక్ సినిమా ఎలా వుందో చెప్పారు.
”సినిమా నాలుగు సార్లు చూశా. చాలా బావుంది. చూసిన ప్రతిసారి నచ్చింది. క్లైమాక్స్ అయితే తెగ నచ్చింది. ఆకాష్ , కేతికా ఇరగదీశారు. రమ్యకృష్ణ ఈ సినిమాలో చేయడం మా అదృష్టం. ఆమె వల్ల సినిమా జాతకం మారింది. మంచి లవ్ స్టొరీ కావాలనుకుంటే రొమాంటిక్ చూడండి. మీకు ఖచ్చితంగా నచ్చుతుంది. ప్రామిస్. ఇక నా కొడుకు గురించి ఒకటే ఒక మాట చెబుతా. ఆకాష్ మంచి నటుడు.” అని చెప్పుకొచ్చారు పూరి. ఈనెల 29న సినిమా థియేటర్లలోకి వస్తుంది.
