స్పోర్ట్స్ నుంచి సినిమాల్లోకి వచ్చింది రితికా సింగ్. వెంకటేశ్ ‘గురు’లో హీరోయిన్‌గా న‌టించిన రితికా సింగ్ స్వతహాగా బాక్స‌రే. బాక్సింగ్ రింగులోంచి బాక్సాఫీస్ ఇండస్ట్రీలోకి వచ్చి అదృష్టాన్ని పరీక్షించుకుంటుంది. కానీ, కాలం కలసి రావడం లేదు. హీరోయిన్‌గా కోరుకున్న పేరు, గుర్తింపు దక్కడం లేదు. అడపాదడపా సినిమాలు చేస్తుంది. లేటెస్ట్‌గా త‌మిళ్‌లో ఓ సినిమాకు రితికా సింగ్ సైన్ చేసింది. అందులో ఆమెది స్పోర్ట్స్ జర్నలిస్ట్‌ క్యారెక్టర్.

అర్జున్ విజయ్ హీరోగా నటిస్తున్న ఈ సినిమా బాక్సింగ్ నేపథ్యంలో తెరకెక్కుతుంది. సినిమా టైటిల్ ‘బాక్సర్’. రియ‌ల్ లైఫ్‌లో బాక్స‌ర్ అయిన రితికా సింగ్‌, బాక్సింగ్ నేప‌థ్యంలో తెరకెక్కుతున్న సినిమాలో జర్నలిస్ట్ క్యారెక్టర్ చేస్తుండటం విశేషమే. త్వరలో ఈ సినిమా షూటింగ్ మొదలు కానుంది. ప్రభాస్ హీరోగా నటిస్తున్న మల్టీలింగ్వల్ సినిమా ‘సాహో’లో అర్జున్ విజయ్ ఇంపార్టెంట్ క్యారెక్టర్ చేస్తున్నాడు. రామ్ చరణ్ ‘బ్రూస్ లీ’లో విలన్ గా చేశాడు. తెలుగులో మార్కెట్ పెంచుకోవడానికి తన తమిళ్ సినిమాలను డబ్బింగ్ చేయిస్తున్నాడు.