మెగా ఫ్యామిలీని ఇప్పట్లో వదిలేట్టు లేడు వర్మ. ఈమధ్యే పవర్ స్టార్ అనే సినిమాతీసి, అందులో పవన్, చిరు, నాగబాబు పాత్రల్ని వాడేసుకున్నాడు. ఇప్పుడు అల్లు అరవింద్పై పడ్డాడు. `అల్లు` పేరుతో ఓ సినిమా (షార్ట్ ఫిల్మ్ లాంటిదే) తీస్తున్నాడు వర్మ. అల్లు అనగానే.. ఎవరు గుర్తుకు వస్తారో, ప్రత్యేకంగా చెప్పాల్సిన పనిలేదు. ఈ టైటిల్ కి వర్మ జస్టిఫికేషన్ కూడా ఇచ్చేస్తున్నాడు.
“అల్లు” అనే టైటిల్ ఎందుకు పెట్టామంటే ఇందులోని మెయిన్ క్యారెక్టర్ రకరకాల ప్లాన్స్ “అల్లు”తూ వుంటాడు. తనకి మంచి జరగాలి అంటే ప్లాన్ అల్లు, మరొకడికి చెడు జరగాలి అంటే ప్లాన్ అల్లు అనే స్ట్రాటర్జీ తో ప్లాన్ ల అల్లుడు లో ఆరితేరిపోయి, పెద్ద స్టార్ అయిన తన బావ పక్కనే ఉంటూ తన మైలేజీ పడిపోకుండా ఉండటానికి తమ ఇంటి “అల్లు”డు అని కూడా మర్చిపోయి ఎప్పటికప్పుడు ప్లాన్లు అల్లుతూ వుంటాడు. అందరితో తనని “ఆహా” అనిపించుకోవటానికి తనకి కావాల్సిన వాళ్ళకే మంచి జరిగేలా చెప్పి ప్లాన్ ల మీద ప్లాన్ అల్లుకుపోతూ ఉండే ఒక పెద్ద అల్లికల మాస్టర్ కథే ఈ అల్లు..“ అంటూ ట్విట్టర్ లో రెచ్చిపోయాడు.
ప్రజారాజ్యం సమయంలో తెర వెనుక అల్లు అరవింద్ నడిపించిన పాత్ర అంతా ఇంతా కాదు. ఇప్పుడు `అల్లు`కి కథా వస్తువు కూడా అదే. మరి ఈ సినిమాతో వర్మ ఇంకెన్ని కొత్త వివాదాల్ని అల్లుకుపోతాడో తెలియాలంటే ఇంకొన్ని రోజులు ఆగాలి.
“అల్లు” అనే టైటిల్ ఎందుకు పెట్టామంటే ఇందులోని మెయిన్ క్యారెక్టర్ రకరకాల ప్లాన్స్ “అల్లు”తూ వుంటాడు.
— Ram Gopal Varma (@RGVzoomin) August 2, 2020
