ఆంధ్రప్రదేశ్ టీకాల కోసం గ్లోబల్ టెండర్లు పిలిచింది. ప్రి బిడ్ సమావేశానికి రెండు కంపెనీల నుంచి ప్రతినిధులు హాజరయ్యారు. కానీ ఒక్క కంపెనీ కూడా బిడ్ దాఖలు చేయలేదు. ప్రిబిడ్ భేటీకి వచ్చారంటే.. వారికి టీకాలు సరఫరా చేసే ఉద్దేశం ఉన్నట్లే లెక్క. కానీ ఏపీ సర్కార్.. తమకు బిడ్లు దాఖలు కాలేదని… తమకే కాదని.. ఏ రాష్ట్రానికీ బిడ్లు దాఖలు కాలేదని.. సీఎం జగన్… అన్ని రాష్ట్రాల ముఖ్యమంత్రులకు రాసిన లేఖలో పేర్కొన్నారు. ఇది… అందరికీ ఆశ్చర్యం కలిగిస్తోంది. తొమ్మిది రాష్ట్రాలు మొత్తంగా గ్లోబల్ టెండర్లు పిలిస్తే.. ఒక్క ఏపీకి మాత్రమే ఒక్క టెండర్ దాఖలు కాలేదు. మిగిలిన అన్ని రాష్ట్రాలకూ… స్పందన వచ్చింది. చివరికి తెలంగాణకుకూడా.. రెండు కంపెనీలు టెండర్లు దాఖలు చేశాయి. మహారాష్ట్రకు ఎనిమిది కంపెనీలు స్పందించాయి.

తెలంగాణ రాష్ట్ర ప్రభుత్వం నాలుగు కోట్ల మందికి వ్యాక్సినేషన్ చేయాలని నిర్ణయించింది. కోటి డోసుల కోసం గ్లోబల్ టెండర్లు పిలిచింది. కొన్ని అంతర్జాతీయ, వివిధ దేశాల కంపెనీలు స్పందించాయి. ఆస్ట్రాజెనెకా, స్పుత్నిక్ తయారీదారులు టెండర్లు వేశారు. ప్రపంచవ్యాప్తంగా దాదాపు 17 కంపెనీలకు పైగా వ్యాక్సిన్ ఉత్పత్తి చేస్తుంటే… కేవలం రెండు మూడు కంపెనీలు మాత్రమే గ్లోబల్ టెండర్లలో పాల్గొంటున్నాయి. సీఎం కేసీఆర్ నేరుగా రంగంలోకి దిగి ప్రపంచ వ్యాప్తంగా ముఖ్యమైన కంపెనీలు గ్లోబల్ టెండర్లలో పాల్గొనే లాగా ప్రచారం కల్పించాలని, ఆయా కంపెనీలు కూడా సమాచారం చేరేలా చూడాలని ఆదేశించారు.

తమిళనాడు ప్రభుత్వం చైనా వ్యాక్సిన్‌ సరఫరాకు కూడా అంగీకారం తెలిపింది. మహారాష్ట్రతో పాటు పలు రాష్ట్రాల గ్లోబల్ టెండర్లకు… పలు సంస్థలు ఆసక్తి చూపాయి. వాటి నుంచి ఆయా రాష్ట్రాలు కొనుగోలు చేస్తాయా .. వాటికి కేంద్రం అనుమతి ఇస్తుందా.. అన్నది తర్వాత విషయం. కానీ.. జగన్మోహన్ రెడ్డి రాసిన లేఖలో ..తమకు స్పందనరాలేదు కాబట్టి.. ఇతర రాష్ట్రాలకు రాలేదన్నట్లుగా రాయడం .. ఆశ్చర్యకరంగా మారింది.