రేణూదేశాయ్… తెలుగు ప్రేక్షకులకు పరిచయం అక్కర్లేని పేరు. చేసింది తక్కువ సినిమాలే అయినా.. ‘పవన్ భార్య’ ట్యాగ్లైన్ తో కావల్సినంత క్రేజ్ సంపాదించుకుంది. ఆమాటకొస్తే.. పవన్ భార్య అయినప్పుడు కంటే మాజీ భార్య అయినప్పుడే.. తనకు పబ్లిసిటీ పెరిగింది. మరాఠీలో ఓ సినిమాకి రేణూ దర్శకత్వం వహించిన సంగతి తెలిసిందే. ఇప్పుడు తెలుగులోనూ ఓ సినిమా చేయబోతోంది. రైతు సమస్యలకు సంబంధించిన కథతో ఈ సినిమా తయారవుతుందని, దీనికి రేణూనే నిర్మాత అని సమచారం. ఈ మధ్య ఓ టీవీ ఛానల్ కోసం రైతుల్ని కలుసుకుని, వాళ్ల సమస్యల్ని అడిగి తెలుసుకుంది రేణు. ఆ అనుభవాలతోనే ఈ కథ రాసుకుందట. రేణు తండ్రి కూడా ఓ రైతే. తన కుటుంబంలో రైతుల సంఖ్య ఎక్కువని, అందుకే రేణు ఇలాంటి కథని ఎంచుకుందని తెలుస్తోంది. కమర్షియల్ అంశాల జోలికి పోకుండా.. ప్రయోగాత్మక చిత్రంగా దీన్ని రూపొందించాలని రేణు భావిస్తోంది. ప్రస్తుతం పోస్ట్ ప్రొడక్షన్ పనులు జరుగుతున్నాయని, త్వరలోనే సెట్స్పైకి వెళ్లనున్నదని సమాచారం.
రైతులపై రేణూ సినిమా?
