త‌మిళ స్టార్ విజ‌య్ అంటే… ప‌డిచ‌చ్చిపోయే అభిమానులు కోట్ల‌లో ఉంటారు. అయితే విజ‌య్‌ని ట్రోల్ చేసే ఓ వ‌ర్గం కూడా ఉంది. ముఖ్యంగా విజ‌య్ డాన్సులు వాళ్ల‌ని బాగా ఎంట‌ర్‌టైన్ చేస్తుంటాయి. విజ‌య్ స్టెప్పుల్ని ట్రోల్ చేసినంత‌గా ఏ హీరో డాన్సుల్నీ ట్రోల్ చేయ‌ర‌న్న‌ది వాస్త‌వం. ఇప్పుడు మ‌రోసారి విజ‌య్ డాన్సులు, ఇది వ‌ర‌కు వేసిన తింగ‌రి స్టెప్పులూ సోష‌ల్ మీడియాలో వైర‌ల్ గా మారాయి. దానంత‌టికీ కార‌ణం కీర్తి సురేష్‌.

Read Also : కీర్తి సురేష్‌కి భారీ ఉపశమనం

ఈ మ‌ధ్య కీర్తి ఓ త‌మిళ ఛాన‌ల్ కు ఇంట‌ర్వ్యూ ఇచ్చింది. ‘చిరంజీవి, విజ‌య్‌ల‌లో మీకు ఇష్ట‌మైన డాన్స‌ర్ ఎవ‌రు’ అనేది ప్ర‌శ్న‌. దానికి కీర్తి ఏమాత్రం ఆలోచించ‌కుండా ‘విజ‌య్’ అని స‌మాధానం ఇచ్చేసింది. అక్క‌డితో విజ‌య్ పిచ్చి స్టెప్పుల‌న్నీ వెదికి మ‌రీ ట్రోల్ చేయ‌డం మొద‌లెట్టారు యాంటీ ఫ్యాన్స్‌. అస‌లు విజ‌య్ డాన్సులు నీకెలా న‌చ్చాయ‌మ్మా అంటూ సోష‌ల్ మీడియాలో కీర్తిని ప్ర‌శ్నిస్తున్నారు చిరు ఫ్యాన్స్‌.

నిజానికి అడిగిందే ఓ పిచ్చి ప్ర‌శ్న‌. చిరుకీ విజ‌య్ కీ పోలికేంటి? అందులోనూ డాన్స్ విష‌యంలో. విజ‌య్ మంచి డాన్స‌రే కావొచ్చు. కానీ చిరుతో పోలిస్తే తేలిపోతాడు. పైగా విజ‌య్ వేసిన‌వ‌న్నీ కాపీ స్టెప్పులే. ఎన్టీఆర్, బ‌న్నీ, చ‌ర‌ణ్ వేసిన మాస్ స్టెప్పుల్ని విజ‌య్ రిప్లికా చేస్తుంటాడు. ‘మీకు ఇష్ట‌మైన డాన్స‌ర్ ఎవ‌రు’ అని అడిగినప్ప‌డు విజ‌య్ పేరు చెప్ప‌డంలో త‌ప్పు లేదు. కానీ చిరుతో పోల్చిన‌ప్పుడు ‘చిరు’ పేరెత్త‌డం మిన‌హా కీర్తి ద‌గ్గ‌ర మ‌రో ఆప్ష‌న్ లేదు. బ‌హుశా.. ఇంట‌ర్వ్యూ ఇస్తోంది త‌మిళ మీడియాకు క‌దా, అని త‌మిళ హీరో పేరు చెప్పేసి ఉంటుంది. ఇప్పుడు చిరు ఫ్యాన్స్ కి అడ్డంగా దొరికిపోయింది.