సినిమా వాళ్లకు ప్రేమలో పడడం – విడిపోవడం – మరొకరితో మళ్లీ ప్రేమలో పడడం మహా మామూలు. బ్రేకప్ అంటే… వాళ్లకు మేకప్ వేసుకున్నంత ఈజీ. చాలామంది జీవితాలు అందుకు సాక్ష్యంగా కనిపిస్తుంటాయి. శ్రుతి హాసన్ కూడా అందుకు మినహాయింపు కాదన్నట్టు మాట్లాడుతోంది. మైఖెల్ క్రోసలే తో కొన్నాళ్లు ప్రేమ వ్యవహారం నడిపింది శ్రుతి. ఇద్దరూ కలిసిన ఫొటోల్ని శ్రుతి చాలాసార్లు తన అభిమానులతో పంచుకుంది. వాళ్ల ప్రేమ కబుర్లు చెప్పుకుంది. అయితే ఏమైందో.. ఇద్దరూ విడిపోయారు.
ఓసారి ప్రేమలో విఫలం అయినంత మాత్రాన మళ్లీ ప్రేమించకూడదని ఉందేంటి? అందుకే… తాను మళ్లీ మళ్లీ ప్రేమలో పడడానికి సిద్ధమే అంటోంది శ్రుతి. ”నేను ప్రేమలో పడే వయసులోనే ఉన్నాను. ఈ వయసులో కాకపోతే ఏ వయసులో ప్రేమలో పడతాం? నేను ఎదురు చూసే గొప్ప ప్రేమ దొరికినప్పుడు తప్పకుండా మళ్లీ ప్రేమిస్తా” అంటోంది, మైఖెల్ తో ప్రేమ బెడసి కొట్టడం ఓ ‘లెర్నింగ్ ఎక్స్పీరియన్స్’ అంటోంది. ప్రేమలో పడినందుకు, అది విఫలం అయినందుకు తానెప్పుడూ పశ్చాత్తాప పడలేదని, అదో గమ్మత్తైన అనుభవం అని చెప్పుకొచ్చింది.
