ర‌వితేజ నుంచి వ‌స్తున్న మ‌రో సినిమా.. ఈగ‌ల్‌. ఈ సంక్రాంతి బ‌రిలో నిలిచింది. జ‌న‌వ‌రి 13న విడుద‌ల కాబోతోంది. కార్తీక్ ఘ‌ట్ట‌మ‌నేని ఈ సినిమాతో ద‌ర్శ‌కుడిగా ప‌రిచ‌యం కాబోతున్నారు. ఈరోజు టీజ‌ర్ విడుద‌లైంది. ఇదో యాక్ష‌న్ డ్రామా. ర‌వితేజ రెండు ర‌కాల గెట‌ప్పుల్లో క‌నిపించ‌బోతున్నారు. ఆయ‌న లుక్స్‌, హెయిర్ స్టైల్ కొత్త‌గా ఉన్నాయి. హీరోయిజం బిల్డ‌ప్ సీన్లు, డైలాగులు ఆక‌ట్టుకొంటున్నాయి. వెలుతురు వెళ్లిన ప్ర‌తీ చోటా.. త‌న బుల్లెట్ వెళ్తుంది, జ‌నం దృష్టిలో క‌ట్టు క‌థ‌, ప్ర‌భుత్వాలు క‌ప్పెట్టేసిన క‌థ‌, లావాని వెన‌క్కి ర‌మ్మ‌ని పిల‌వ‌కు, ఊరూ ఉండ‌దు.. నీ ఉనికీ ఉండ‌దు అనే డైలాగులు ఆక‌ట్టుకొంటున్నాయి.

ర‌వితేజ‌తో పాటు అనుప‌మ ప‌ర‌మేశ్వ‌ర‌న్‌, న‌వ‌దీప్‌, అవ‌స‌రాల శ్రీ‌నివాస్, మ‌ధుబాల‌ కీల‌క పాత్ర‌లు పోషించారు. విజువ‌ల్స్ గ్రాండ్‌గా ఉన్నాయి. పీపుల్స్ మీడియా ఫ్యాక్ట‌రీ ఈ చిత్రాన్ని రూపొందించింది. ర‌వితేజ నుంచి వ‌చ్చిన పాన్ ఇండియా సినిమా – `టైగ‌ర్ నాగేశ్వ‌ర‌రావు` డిజాస్ట‌ర్ లిస్టులో చేరింది. మ‌రి.. ఆ త‌ర‌వాత వ‌స్తున్న ఈ సినిమాతో ర‌వితేజ లెక్క స‌రి చేస్తాడేమో చూడాలి. ఈ సంక్రాంతికి చాలా సినిమాలు పోటీలో ఉన్నాయి. వాటి మ‌ధ్య `ఈగ‌ల్‌` నిల‌బ‌డాలంటే కంటెంట్ తో మెప్పించాల్సిందే.