రంగ‌స్థ‌లంలో చిట్టిబాబుగా రామ్‌చర‌ణ్ ఎంట్రీ, మేకొవ‌ర్ అదిరిపోయాయి. ఇక రామ‌ల‌క్ష్మిగా స‌మంత ఎలా ఉంటుందా?? అంటూ ఆస‌క్తిగా ఎదురుచూశారు. ఇప్పుడు రామ‌ల‌క్ష్మి వ‌చ్చేసింది. రంగ‌స్థ‌లంలో స‌మంత క్యారెక్ట‌రైజేష‌న్‌ని ప‌రిచ‌యం చేస్తూ ఓ టీజ‌ర్ వ‌దిలారు. స‌మంత హొయ‌లు, వెనుక రామ్‌చ‌ర‌ణ్ వాయిస్ ఓవ‌ర్‌… ప‌ర్‌ఫెక్ట్‌గా మ్యాచ్ అయ్యాయి. ఈ పిల్ల ఎదురొస్తుంటే, మా ఊరికే ప‌ద్దెనిమిది సంవ‌త్స‌రాలు వ‌య‌సొచ్చిన‌ట్టు ఉంటుందండీ.. అని చెప్ప‌డం సుకుమార్ పెన్ను ప‌దును తెలియ‌జేసింది. రామ్‌చర‌ణ్ మేకొవ‌ర్‌కి త‌గ్గ‌ట్టుగా స‌మంత మేకొవ‌ర్ క‌నిపించింది. ప‌ల్లెటూరి చిన్న‌దిగా చ‌క్క‌గా ఒదిగిపోయింది. సుకుమార్ సినిమాల్లో క‌థానాయ‌కుడితో పాటు, క‌థానాయిక‌కీ మంచి పాత్ర‌లు ప‌డుతుంటాయి. ఆ అవ‌కాశం స‌మంత‌కీ ద‌క్కిన‌ట్టు అనిపిస్తోంది. ఈ సినిమాలోని తొలి పాట ఈనెల 13న విడుద‌ల చేస్తున్నారు. సుక్కు – దేవిశ్రీ‌ల‌ది అల్టిమేట్ కాంంబినేష‌న్‌. వీరిద్ద‌రి నుంచి రాబోతున్న పాట పాట ఎలా ఉంటుందో మ‌రి.