`రెడ్` తరవాత.. రామ్ సినిమా ఏమిటన్న విషయంలో క్లారిటీ వచ్చేసింది. రామ్ – లింగుస్వామితో జోడీ కట్టబోతున్నాడన్న వార్తలే నిజం అయ్యాయి. లింగు స్వామి – రామ్ సినిమాలకు సంబంధించిన అధికారిక ప్రకటన వచ్చేసింది. రామ్ నటించే 19వ సినిమా ఇది. శ్రీనివాస చిట్టూరి నిర్మాతగా వ్యవహరిస్తారు. తెలుగు – తమిళ భాషల్లో ఒకేసారి రూపొందిస్తారు. రామ్ నేరుగా నటిస్తున్న తొలి తమిళ చిత్రమిదే. కథానాయిక, ఇతర సాంకేతిక వర్గం వివరాలు త్వరలో ప్రకటిస్తారు. ఇదో మాస్, మసాలా ఎంటర్టైనర్ అని తెలుస్తోంది.యాక్షన్కి పెద్ద పీట వేస్తున్నారు. రామ్ గత చిత్రాలతో పోలిస్తే… బడ్జెట్ కూడా భారీగా ఉండబోతోందని సమాచారం. `పందెం కోడి`, `వెట్టై` చిత్రాలతో లింగు స్వామి తన స్టామినా ఏమిటో చూపించుకున్నాడు. అయితే ఈమధ్య లింగు స్వామికి వరసగా అన్నీ ఫ్లాపులే వస్తున్నాయి. తమిళ హీరోలు సైతం లింగు స్వామిని పక్కన పెట్టిన నేపథ్యంలో రామ్ పిలిచి మరీ అవకాశం ఇవ్వడం విశేషం.
