రామ్ చరణ్ మనసు ఇప్పుడు బయోపిక్పై పడింది. తనకు బయోపిక్లో నటించాలని ఉందని, అవకాశం వస్తే… కోహ్లీ బయోపిక్ చేస్తానంటూ ప్రకటించేశాడు రామ్ చరణ్. ఆస్కార్ పురస్కారాల వేడుక ముగించుకొన్న చరణ్ శుక్రవారం స్వదేశం చేరుకొన్నాడు. శుక్రవారం అంతా ఢిల్లీలోనే బిజీ బిజీగా గడిపాడు. అక్కడ జరిగిన ఓ కార్యక్రమంలో చరణ్ తన మనసులోని మాట బయట పెట్టాడు. కోహ్లీ బయోపిక్లో నటించాలని ఉందంటూ.. ఓ ప్రశ్నకు సమాధానంగా చెప్పుకొచ్చాడు చరణ్.
ఆర్.ఆర్.ఆర్ తరవాత.. చరణ్ గ్రాఫ్ అమాంతంగా పెరిగిపోయింది. తను ఇప్పుడు గ్లోబల్ స్టార్గా మారాడు. బాలీవుడ్ నుంచి చరణ్కి ఇప్పుడు మంచి అవకాశాలు వస్తున్నాయి. అందులో భాగంగానే.. కోహ్లీ బయోపిక్ ఆఫర్ ఏమైనా చరణ్ ముందుకొచ్చిందా? అందుకే ఇప్పుడు ఇలా… మనసు విప్పాడా? అనే అనుమానాలు రేకెత్తుతున్నాయి. కోహ్లీ బయోపిక్ చేయాలని బాలీవుడ్ లో ఎప్పటి నుంచో ప్రయత్నాలు జరుగుతున్నాయి. దీనికి కోహ్లీ కూడా గ్రీన్ సిగ్నల్ ఇచ్చేశాడు.కానీ… ఆ ప్రాజెక్ట్ ఇంకా పైప్ లైన్లోనే ఉంది. ఇప్పుడు చరణ్… తన మనసులోని మాట బయటపెట్టాడు కాబట్టి.. బాలీవుడ్ రూపకర్తలు ఈ దిశగా దృష్టి సారించే అవకాశం ఉంది. కోహ్లీగా చరణ్ బాగుంటాడంటూ, పోలికలు కూడా ఉన్నాయంటూ.. అప్పుడే అభిమానులు ఈ బయోపిక్ పై పాజిటీవ్ గా స్పందిస్తున్నారు.
