శంకర్ దాదా ఎంబీబీఎస్.. అనగానే హూ హా.. హూ హా అంటూ గోల చేశారుమెగా అభిమానులు. ఇప్పుడు రామ్చరణ్ కూడా డాక్టర్ అవతారం ఎత్తబోతున్నాడు. ఔను… రామ్ చరణ్ కథానాయకుడిగా సుకుమార్ ఓ చిత్రాన్ని తెరకెక్కిస్తున్న సంగతి తెలిసిందే. ఇందులో రామ్చరణ్ డాక్టర్ అవతారం ఎత్తనున్నాడని సమాచారం. ప్రస్తుతం సురేందర్ రెడ్డి దర్శకత్వంలో తెరకెక్కుతున్న తనిఒరువన్ రీమేక్లో బిజీగా ఉన్నాడు చరణ్. ఆ సినిమా పూర్తయిన వెంటనే సుక్కు సినిమా పట్టాలెక్కుతుంది. ఈ లోగా కథని పూర్తి స్థాయిలో సిద్ధం చేస్తున్నాడు సుక్కు. ఇదో సైంటిఫిక్ థ్రిల్లర్ అని, సోషియో ఫాంటసీ కథ అని ప్రచారం జరుగుతోంది. రామ్చరణ్కి కొన్ని అతీంద్రియ శక్తులు ఉంటాయని కూడా చెబుతున్నారు. ఈలోగా రామ్చరణ్ డాక్టర్ అన్న ఇంట్రస్టింగ్ న్యూస్ తెలిసింది.
సుక్కు కథలన్నీ లెక్కలతో ముడిపడి… లాజిక్తో సాగేవే. మరి..ఈ సినిమాలో సుక్కు ఓ కొత్త జోనర్ని ఎంచుకొన్నాడట. అదేంటో తెలియాలంటే ఇంకొంతకాలం ఆగాల్సిందే. సురేందర్ రెడ్డి సినిమా పూర్తయ్యేలోగా కథని లాక్ చేసి, నటీనటులు ఇతర సాంకేతిన నిపుణుల్ని ఎంచుకొనే పనిలో ఉన్నాడు సుకుమార్. ఈలోగా ఈసినిమాకి సంబంధించి ఇంకెన్ని ఆసక్తికరమైన విషయాలు బయటకు వస్తాయో?
