ఫిబ్రవరి 14 అంటే… ప్రేమికులకు పండగ. ప్రేమలో ఉన్నా, లేకున్నా – ఈతరం మాత్రం వాలెంటైన్స్ డేని ఓ సంబరంగా జరుపుకుంటున్నారు. ఆ రోజు పార్కులు, షాపింగ్ మాళ్లూ నిండిపోవడం ఖాయం. అయితే ఈ సంప్రదాయాన్ని రకుల్ప్రీత్ సింగ్ తప్పుపడుతోంది. `ఇదంతా వెస్ట్రన్ కల్చర్.. మనకు సంబంధం ఏముంది?` అని ప్రశ్నిస్తోంది.
”వాలెంటైన్స్ డేపై నాకు ఎలాంటి నమ్మకం లేదు. నేనెప్పుడూ జరుపుకోలేదు. జరుపుకోను కూడా. ప్రేమకు ఒక్కరోజే పరిమితం చేయడం నాకు నచ్చదు. ప్రేమంటే కేవలం యువతీ యువకుల మధ్యే ఉంటుందనుకోవడం పొరపాటు. తల్లిదండ్రులపై, తోడబుట్టినవాళ్లపై కూడా ఉంటుంది. ఆ ఒక్కరోజూ ప్రేమించుకుని, ఆ తరవాత యేడాదంతా కొట్టుకుంటూ బతుకుతున్నా ఫర్వాలేదా? కేవలం షాపింగులకూ, షికార్లకూ తప్ప ఈ ప్రేమికుల రోజు ఎందుకు పనిచేయదు” అంటూ తేల్చి చెప్పేసింది. అన్నట్టు ఈనెల 14న, సరిగ్గా ప్రేమికుల రోజున రకుల్ నటించిన `దేవ్`విడుదల అవుతోంది. ”దేవ్ని విడుదల రోజునే కుటుంబ సభ్యులతో కలసి చూస్తున్నా. నా సినిమాని మొదటి రోజునే కుటుంబ సభ్యులతో చూడడం ఇదే తొలిసారి” అంటోంది రకుల్.
