పవర్స్టార్ పవన్ కల్యాణ్ ‘భీమ్లానాయక్’ వాయిదా పడింది.జనవరి 12న విడుదల కావాల్సి ఉండగా.. విడుదల తేదీని ఫిబ్రవరి 25కి మార్చారు. ఈ సంక్రాంతికి పాన్ ఇండియా సినిమాలు ‘ఆర్ఆర్ఆర్’, ‘రాధేశ్యామ్’ చిత్రాలు విడుదలవుతున్నాయి. దీంతో థియేటర్లకు సంబంధించి ఇబ్బందులు కలగకూడదని ‘భీమ్లా నాయక్’ సినిమాని నిర్మాతల గిల్డ్ అభ్యర్ధన మేరకు వాయిదా వేశారు.
కాగా నిర్ణయంపై ఆర్ఆర్ఆర్ దర్శకుడు రాజమౌళి స్పందించారు. ఈ విషయంలో ముగ్గురి థ్యాంక్స్ చెప్పారు రాజమౌళి. ”పండగ నుంచి తప్పుకోవాలనే ఆలోచనకు శ్రీకారం చుట్టిన మహేశ్ బాబుకి కృతజ్ఞతలు. సర్కారివారిపాట పర్ఫెక్ట్ పొంగల్ సినిమా అయినప్పటికీ సమ్మర్ ప్లాన్ చెఉస్కొని ఆరోగ్యకరమైన వాతావరణాన్ని సృష్టించారు మహేష్. మైత్రి మూవీ మేకర్స్ ధన్యవాదాలు. అలాగే తమ సినిమా విడుదలను మార్చినందుకు దిల్ రాజు గారికి #F3మూవీ టీమ్కి ధన్యవాదాలు. బీమ్లా నాయక్ విడుదల తేదీని వాయిదా వేయాలని చినబాబు, పవన్ కళ్యాణ్ గారు తీసుకున్న నిర్ణయం అభినందనీయం. టీమ్ అందరికీ శుభాకాంక్షలు” అని ట్విట్టర్ లో రాసుకొచ్చారు రాజమౌళి.
