షార్ట్ ఫిలింస్ తీస్తూ ఉయ్యాల జంపాల సినిమాతో హీరోగా పరిచయమైన రాజ్ తరుణ్.. ఆ తర్వాత చేసిన సినిమా చూపిస్త మావ, కుమారి 21ఎఫ్ లు కూడా సూపర్ సక్సెస్ సాదించడంతో కుర్రాడు సూపర్ క్రేజ్ సంపాదించాడు. ఇక నాలుగో సినిమాగా వచ్చిన సీతమ్మ అందాలు రామయ్య సిత్రాలు సినిమా కాస్త నిరాశ పరిచింది. అయితే ఆ సినిమా ఇచ్చిన షాక్ తో మరోసారి కెరియర్ పై జాగ్రత్త పడ్డ రాజ్ రీసెంట్ రిలీజ్ ఈడోరకం ఆడోరకం సినిమా హిట్ తో మళ్లీ ట్రాక్ లోకి వచ్చినట్టే అనిపిస్తుంది.
రీసెంట్ గా రిలీజ్ అయిన ఈ సినిమా మంచి కలక్షన్స్ సాదిస్తుంది. ప్రస్తుతం మంచు విష్ణుతో పాటుగా సినిమా హిట్ మజాను ఎంజాయ్ చేస్తున్న రాజ్ ఇక నుండి చేసే సినిమాల మీద మరింత జాగ్రత్త పడనున్నాడు. ప్రస్తుతం దిల్ రాజు ప్రొడక్షన్ లో వస్తున్న ‘శతమానం భవతి’ సినిమాలో హీరోగా చేస్తున్నాడు రాజ్ తరుణ్. సతీష్ వెగేశ్న దర్శకత్వంలో వస్తున్న ఈ సినిమాలో హిరోయిన్ ఎవరనేది ఇంకా క్లారిటీ రాలేదు. మరి హ్యాట్రిక్ హిట్స్ తో కిక్ ఇచ్చిన రాజ్ మరో హ్యాట్రిక్ అందుకోడానికి సిద్ధమన్నట్టు మంచి స్వింగ్ లో ఉన్నాడు. మరి ఫలితాలు కూడా అంతే ఉత్సాహాన్ని ఇస్తే మంచింది.
