ట్రెండింగ్ కమెడియన్స్ లో ముందు వరుసలో నిలుచుంటారు రాహుల్ రామకృష్ణ. తెలంగాణ యాసతో షార్ప్ టైమింగ్ డైలాగులతో ఇట్టే జనాల్లో క్రేజ్ తెచ్చుకున్న నటుడు రాహుల్ రామకృష్ణ. `సైన్మ`తో టాలీవుడ్ ఎంట్రీ ఇచ్చిన రామకృష్ణకు `అర్జున్ రెడ్డి`, `గీతగోవిందం`, `హుషారు`.. చిత్రాల్లోని పాత్రలు మంచి గుర్తింపు తెచ్చిపెట్టాయి. ఆయన నటిస్తున్న `మిఠాయి` విడుదలకు సిద్ధమవుతోంది. ఓ వైపు సినిమాల్లో నటిస్తన్న రాహుల్ ఈ ఏడాది లా చదవాలని నిర్ణయించుకున్నారట. ఎట్టి పరిస్థితుల్లోనూ చదువు పూర్తి చేయాలని అనుకుంటన్నట్టు ట్వీట్ చేశారు. రాహుల్ కి పాటల్లోనూ ప్రమేయం ఉంది. కొన్ని పాటలు రాశారు. ఒక పాటను `హుషారు`లో పాడారు. ఈ ఏడాది పియానోలో కొన్ని బేసిక్ లెవల్స్ ను పూర్తి చేయాలనుకుంటున్నట్టు అందులో తెలిపారు. సో సినిమా ఒక వైపు , చదువు.. సంగీతం మరో వైపు అన్నమాట.
రాహుల్.. ఆశ `లా`!
