గోపీచంద్ – మారుతి కాంబినేషన్ లో ఓసినిమా రూపుదిద్దుకోనున్న సంగతి తెలిసిందే. అక్టోబరు 1న ఈ సినిమాని విడుదల చేస్తామని చిత్రబృందం ప్రకటించేసింది. దీనికి `పక్కా కమర్షియల్` అనే పేరు పరిశీలనలో ఉంది. అదే ఖాయం చేసేస్తారని టాక్. హీరోయిన్ గా రాశీఖన్నా ఎంపికైందని తెలుస్తోంది. ఈ పాత్ర కోసం .. సాయి పల్లవిని సంప్రదించాడు మారుతి. అయితే… ఆమె కాల్షీట్లు అందుబాటులో లేవు. స్టార్ హీరోయిన్లంతా.. బిజీ బిజీగా ఉండడంతో… మళ్లీ రాశీ ఖన్నానే ఎంచుకోవాల్సివచ్చింది. మారుతి గత చిత్రం.. `ప్రతిరోజూ పండగే`లనూ రాశీనే నాయిక.
అన్నట్టు… ఈ సినిమాలో… గోపీచంద్ లాయర్ పాత్రలో కనిపించబోతున్నాడు. డబ్బుల కోసం ఎలాంటి కేసునైనా వాదించే.. కమర్షియల్ లాయర్ గా తన పాత్ర ఉండబోతోందట. రావు రమేష్, సత్యరాజ్… ఇలా ప్రతిరోజూ పండగే బ్యాచ్నే ఈసినిమాలోనూ రంగంలోకి దింపేస్తున్నాడు మారుతి. ఇప్పుడు హీరోయిన్ కూడా.. అక్కడి నుంచే తీసుకొచ్చాడు. మార్చిలో ఈ సినిమా షూటింగ్ మొదలు కానుంది.
