కింగ్ నాగార్జున లేటెస్ట్ మూవీ ‘సోగ్గాడే చిన్ని నాయనా’ చిత్రానికి వరల్డ్వైడ్గా ట్రెమండస్ రెస్పాన్స్ వస్తోందని, కలెక్షన్లపరంగా అన్ని ఏరియాల్లోనూ రికార్డులు క్రియేట్ చేస్తోందని, 2016 సంక్రాంతి బ్లాక్బస్టర్గా ‘సోగ్గాడే చిన్ని నాయనా’ చిత్రం నిలిచినందుకు తనకెంతో హ్యాపీగా వుందని పివిపి సినిమా అధినేత పివిపి చెప్తున్నాడు.
నాగార్జున నటించిన కొత్త సినిమా సూపర్హిట్ కావడంపై పివిపి అంత ఎక్సైట్ అవ్వడానికి రీజన్ తమ బేనర్లో నాగార్జున చేస్తున్న ‘ఊపిరి’. నాగార్జున, కార్తీ హీరోలుగా వంశీ పైడిపల్లి దర్శకత్వంలో పివిపి నిర్మిస్తున్న మల్టీస్టారర్ ‘ఊపిరి’ చిత్రాన్ని మార్చి 25న విడుదల చెయ్యడానికి ప్లాన్ చేసాడు పివిపి. సంక్రాంతికి రిలీజ్ అయిన ‘సోగ్గాడే..’ హిట్ అవ్వడంతో అది తన సినిమాకి ఎంతో హెల్ప్ అవుతుంది. అందుకే పివిపి ‘సోగ్గాడే..’ సినిమాని అంతగా ఎత్తేస్తున్నాడు. వీల్ ఛైర్లో సినిమా అంతా కనిపించే ఒక డిఫరెంట్ క్యారెక్టర్ ఈ సినిమాలో చేస్తున్నాడు నాగార్జున. ‘సోగ్గాడే చిన్ని నాయనా’ సూపర్హిట్ టాక్ తెచ్చుకోవడంతో ‘ఊపిరి’ చిత్రం కూడా డెఫినెట్గా పెద్ద హిట్ అవుతుందన్న కాన్ఫిడెన్స్తో వున్నాడు పివిపి.
