ప్రముఖ నిర్మాణ సంస్థ పీపీవీ మళ్లీ ముమ్మరంగా సినిమాలు తీయాలని ప్లాన్ చేస్తోంది. అయితే ఈసారి చిన్న సినిమాలవైపు మొగ్గు చూపిస్తోంది. ఒక పెద్ద సినిమా చేసే బదులు.. అరడజను చిన్న సినిమాలు చేస్తే, కనీసం సగం గిట్టుబాటు అయినా – లాభసాటిగానే ఉంటుందన్నది పీవీపీ ప్లాన్. అందులో భాగంగానే ఈ మధ్య ఓ తమిళ సినిమా రైట్స్ని కొనుగోలు చేసింది. ‘ఓ మై కదవులే’ పేరుతో వచ్చిన ఈ సినిమా తమిళ నాట మంచి విజయాన్ని అందుకుంది. ఈసినిమాని విశ్వక్సేన్తో చేయాలని ప్లాన్ చేసింది పీవీపీ. ఇటీవల విశ్వక్కి ఈ సినిమా కూడా చూపించింది. కానీ… ఏమైందో మరి, విశ్వక్ ఈ సినిమా చేయనని చెప్పేశాడు. విశ్వక్ ఎక్కువగా మాస్ ఇమేజ్ని కోరుకుంటున్నాడు. `ఓ మై కదవులే`లో మాస్ అంశాలు పెద్దగా లేవని తేలడంతో.. విశ్వక్ ఒప్పుకోలేదు. విశ్వక్ ప్రస్తుతం తీసుకుంటున్న పారితోషికం కంటే, కాస్త ఎక్కువే ఆఫర్ చేసినట్టు టాక్. కానీ.. దానికీ తను లొంగలేదు. విశ్వక్ కాదనడంతో మరో హీరో అన్వేషణలో పడింది పీవీపీ.
పీవీపీకి ‘లొంగని’ విశ్వక్
